علي السلام ..!!

مجرد محاولة خضعت للرقيب لخصوصيةاغلب ابياتها
أقبلوها كما هي

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أنا كل ماتبت ونويت أعتدل واصوم = وأخص بغلايه والديني ولا أعمه
أشرّه على روحي واقول الهوى مذموم = ولا يسري بروح البنادم ولا دمه
لكن طحت يا سياف في وسط جيش الروم = سلايف بحور عايمه مالها يمه
يضيع بهواها واحد ما يعرف العوم = ويطلع بشي زاد همه على همه
على غير موعد يالمحيا ودون أرسوم = نقضت العهد لو ذمتي يا ولد ذمه
سبب مودميٍ حط وسط الحنايا كوم = يتل العروق من اخر القلب ما همه
عليها من أعماق الأصايل ثلاث أوسوم = ولا خاشروها فأصلها اللاش والرمه
تفوّع كما شيهانة ترقب أتلى الحوم = تبي تشهر الجنحان في عالي القمه
عليها السلام ليا استدارت أعيون القوم = وضاعت وكل قام فرضه ولا تمه
وعليها السلام ليا اعتدل ردفها المبروم = وتنثر شعرها من على المتن وتلمه
وعليها السلام ليا كشف صبحها الموشوم= وقام البرد يكشف بياضه ورى فمه
وعليها السلام ليا دنت خدرها للنوم = وقام الشفق يقرص سماها ولا سمه
وعلي السلام ليا استدارت وانا محرورم = وقمت اتقلب واخطي الشي واخمه
على الله ولا لك غير هالحظ والمقسوم = ولا ينفع الرجال خاله ولاعمه
[/poem]