بمناسبة فوز ممثلي قبيلة عتيبه في مهرجان مزايين تبوك للابل

السلام عليكم ورحمة الله وبركاته


اخواني اعضاء ومشرفين هذا الصرح بمناسبة فوز ممثلين قبيلة عتيبه وهذا الفوز ليس لشخصً بعينه انما هو فوز عتيبه كلها

وانا من باب الشكر والعرفان لأخواني ((مشعان بن فواز السميري وغزاي بن مفرح الوذيناني)) الحاصلين على المركز الاول في الفحول الوضح والنياق الصفر وان شاء الله انها دوم الى التقدم

وعلى مابذلوه من جهد في نيل رفع النوماس والفوز لعتيبه قلت هذه الابيات المتواضعه واعيد واكرر التبريكات للجميع

الفحل (( عكام )) للمالك مشعان السميري




((الفارعه)) للمالك غزاي الوذيناني










[poem=font="Simplified Arabic,5,blue,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black""]
هاض قلبي عارضً لاح براقـه=في توال المدلهمـه وفاولهـا
جات بامر مدبر الكون منساقه=لين هلت فأيمن العرق وابلهـا
عنـد قـومٌ للمراقيـب تواقـه=لو تطول بها المسافات تاصلها
ربعي العتبان للمجـد عشاقـه=مايبرهـن قولهـا الا فعايلهـا
عزوة" ماهي عن الطيب منعاقه=وافيـاتً بالمكـارم خصايلهـا
صبح يومٌ شعشع النور بأشراقه=كل عزوه تلتفت فـي ممثلهـا
جوك قوم" يمت الفوز سباقـه=بالوصيـف الاولـه ماتبدلهـا
بالفحل نالو مناهـم وبالناقـه=يوم روس القوم تشعل فتايلها
سلم الله روس حماية الساقـه=اسهمٌ ترفع نبا مـن تداولهـا
فعلهم واضح والامجاد لهاقـه=مير وثقها ياتاريـخ واعقلهـا
والنهايه من خفا خافقي باقـه=دام عز الدار في ظـل عاهلهـا
والبنادم دبرتـه بيـد خلاقـه=والقصيده يسلم لسـان قايلهـا[/poem]