( زخات / زخات ) مصافحه اولى !

السلام عليكم ورحمة الله وبركاته


اسعد الله اوقاتكم بكل خير


يشرفني الانضمام الى كوكبة الابداع في منتديات المرقاب الادبيه


واسمحو لي اشارككم بأول مشاركه , اتمنى ان تنال استحسانكم

" بسم الله "

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=1 align=center use=sp num="0,black""]
يامعلـم الغاويـن طـرد الملـذات=انا هنا غـاوي ومسـرف فغيـي
اوقف بصف الذات واحارب الذات=واقمع اثير الضي والضي الضيـي
واخلق من جنون القصايد طروحات=تكشف مدى جهلي وتكشف رقيـي
وانسج من خيوط المسافه مسافـات=واقول للحزن الوفـي يـا خويـي
علاقتـي ويـاك غيـر العلاقـات=نتشابه بمضمـون شيـك وشيـي
واخر حكايات الهوى يا حكايـات=طويتها فـي عتمـة الليـل طيـي
وعلقتها على جـدار الطموحـات=وزيي بكتها دمعـة اليـاس زيـي
هي تدري ان اللي مضى ماهو بآت=وانا ادري ان اللي معيـي معيـي
فياللي سقيت الورد زخات زخـات=انا هنـا عطشـان والمـي ميـي
ادور لوصلك فـرص واحتمـالات=وانته بميسم هجـرك تزيـد كيـي
بعدك يا كيف اعيش والعمرلحظات=والصبر يتناقص وجرحي سميـي
الله يبيحك يـا طريـق المتاهـات=والله يديـم الحـب والله يحـيـي
علمتني كيـف ابتسـم للمعانـات=وكيف اتفجر عشق واكتـم دويـي
والموت مره بس انا اموت مـرات=فعيونـك الثنتيـن يابعـد حـيـي [/poem]