حـروف اسـمـة

[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يالله عسى شمس الضحى تجلي البرد=دام الأشعه مادنت للغروبي
ليل الشتى يحمل به الهجر والصد=يقفل عن الأحباب كل الدروبي
اليا وصل عشقي الى منتهى الحد=ومرت ليال البرد مامر صوبي
اكتب حروف اسمه على معصم اليد=واستر حروف الأسم بطراف ثوبي
وبلا شعور ابوسها كل مارتد=واتيه كلي في حروفه واذوبي
لامستها باحلام فكري على الخد=وحييت ذكرى عايشه في هروبي
اخر هداياها الي باقة الورد=من نرجس الطايف وجوري الجنوبي
حظنتها لليوم لاتذبل الغد=من خوف بكره تعتريها عيوبي
اللحن انغام الهوى لين تمتد=على ايقاع الصمت بين القلوبي
اهيم بين الرمش والخصر والقد=واثور غيرة نوب واهيم نوبي
ارسلت له عبر الرساله وابي الرد=وياخوف قلبي كانهم مادروبي[/poem]