سريت ليل الهوى

ابيات من الجديد للتواصل

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياليل نفسي من الأحــــــزان مليانه=وانا لهالحين ماقـد طابت أحــــزاني
وراك ذكــــرتني بالحب وأحــزانه=حبٍ مضــى لي مع الايام واشقانـي
سريت ليل الهوى والعين سهرانه =الناس قد رقـــــدوا والنـــوم ماجاني
ذكرت وقتٍ مضــى والنفس ولهانه=مابين يأس وأمـــل والشوق يحداني
استرجــع ايام حبٍ فــــاتت أزمانه =واقول في خاطـري معقول ينساني
فيما مضى صاينٍ حبـــــي ولاخانه=ماظتني يا عـرب ينســى ويجفـاني
اقسم برب المــــلا والبيت واركانه =اني على شوفته بالحيل شفقاني
واقسم بمن تسجد عباده على شانه = انْ الهوى بعد خلي يعتبر فاني
ماظنه أقفــــى وروّح قصده اخيانه=مار اختفى وابتعد والشوق يضناني
واليوم مـدري عن دياره ولأوطانه=لـــــو أدري أجيه لو البعـــد عنّاني
امشي بدرب الخطر وادوس نيرانه=حتى ولو قيل عنــي مخطي وجاني
وأرخص له الروح لين اطق ببيبانه=وان قيل لي ليه اقول الشوق مشّاني
أخير من قعـــــدتي كنـــي بزنزانه=والعيش فالمجتمع باحساس وحـداني
وان كان عز الفتى فعلا بذرعانه=ابابذل الجهد واشمر لذرعاني
واستفزع اللي على الفزعات عطشانه=اللي ليا صحت قامو معي من داني
كلا تزهل وقال ابشر بعنوانه=والله لنروي ضماك ان كنت ضمياني
بأمرين واحد لابد ايبين برهانه=الاول السلْم ويكفي عن الثاني
إن الله هداهم وقبلوا فيه شيبانه=نجي بسلم العرب وانعلق العاني
وان كان كلا بدا يغويه شيطانه=حنا لها كان جاء للحرب دخاني
الحرب حنا هله وانعرف ميدانه=وانسوق الارواح لك في كل ميداني
ويرجع لك اللي يعيش بكاحل اعيانه=هذا لجل راحتك لو العمر فاني
[/poem]