جـعـل حـلقه بالعـظـيم اللي يسـدّه

[poet font="Simplified Arabic,5,black,normal,normal" bkcolor="transparent" bkimage="backgrounds/8.gif" border="double,8,gray" type=0 line=200% align=center use=ex length=0 char="" num="0,black" filter=""]
اخواني واخواتي اعضاء وزوار منتدى

المرقاب

اسعد الله جميع اوقاتكم

يسعدني ان اعرض على عقولكم وانظاركم

قصيدتي هذه راجياً ان تنال ولو بعض رضاكم


شفت في خلّي علامات الخيانه=نقص شوقه للوصال وزود صدّه

والكلام اللي عليه الجهل اعانه=فيه نبرات ومعانٍ مستجدّه

ان هرج لاهرجته غشّ ولعانه=بطنها كره وظواهرها مودّه

ون صمت لاصمته ابلغ من بيانه=واصلٍ ٍمن همزة الشيطان حدّه

عقب ماطاحت من الوصل الميانه=واكتشف سدّي وانا بيحت سدّه

افقده هرج اقشر الناس اتّزانه=واحتداه الله عن الجنّه يحدّه

لين فرّقنا فرق ربّي خوانه=عاذلٍ كيده من ابليس استمدّه

فاتحٍ حلقه ومرتكزٍ لسانه=جعل حلقه بالعظيم اللي يسدّه

لالقى قصر الغرام اقعى وزانه=لين بالحيله وبالخدعه يهدّه

والهوى اللي تخلف الهرجه كيانه=فالحياه ام الزوابع لاتعدّه

معك ياطير الهوى ذمّه وامانه=اخذ مني علم للغالي وودّه

ان بغى درب الشرف والصدق عانه=دربٍ ابيضَ يبجد ارضٍ مجرهدّه

وان بغى التقليل من شاني وشانه=كل بابٍ مايريحنا نسدّه

علّّمه قلبي يرده في مكانه=ثم يروح وجعل ربي مايردّه

وسلامتكم جميع

محمد الدهيمي




[/poet]