... ثرى الطهـــر ....

مع الاعتذار عن الغياب المتكرر


[poem=font="traditional arabic,7,gray,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
رضيت بصدوف المقادير ياسعود=لو انها كبر الجبال المنيفه
دام التعب منسي عسى يسلم العود=واليا سلم كل الدعاوي خفيفه
مافالصبر والحلم والصمت منقود=بكره يعيش الحلم والا بكيفه
لو لا الحيا واخاف شرهة هل الجود=كسرت موال الربيع بخريفه
وحثيت رجل الهجر لمصافح النود=وخايلتلي برقٍ جذبني رفيفه
ماني على طرد المقفين محدود=ثقيل ..ودروب الرزايا مهيفه
ولجي مكانٍ فيه شكه ومنقود=ولخذت موال القصايد وظيفه
جندي وطن وان صار شعله وبارود=ارخصت روحي لجل عين العفيفه
داري ودار اباي والعلوم مردود=من دونها بيض الحداد الرهيفه
حتى ولو شحت علينا بعنقود=اعيونا عن خاملتها كفيفه
يادار وان جينا على النقص والزود=حنا عيال منزهين الشريفه
لنا سنام المجد في سابق الرود=واليوم خطوتنا بكفك كليفه
خفي على قلوب المحبين بالهود=يكفي الزمان اللي زهدنا رغيفه
شابت لحانا والنتيجه بلا فود=رصيدنا بس النوايا النظيفه
ولاهمنا لو نقضي العمر بوعود=بس العلم يبقى ويبقى رفيفه
نموت مابعنا ثرى الطهر بنقود=لو انها تبقا الحياه الكسيفه
[/poem]


.