حفل الكرام ..

تشرفت بدعوة كريمه من الأخ الشاعر غالب الظاهري لحضور حفل ابناء عمومته الظواهر بمناسبة تخرج وترقية عدد منهم وشاركتهم فرحتهم بهذه القصيده . وقد تم عرض الحفل على قناة الصحراء الفضائيه :

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

اسفهللي وهللي يا حروفي غيوم = وامطري بالتهاني فوق حفل الكرام

سيلي كل وادي في صدور القروم= بالوفا والمعزه والثنا والسلام

ولا تكفين قطرك جعل خيرك يدوم = لين نقطف من رياض الوجيه ابتسام

لا دعونا النشامى حان وقت اللزوم = حي والله دعوة كاسبين السنام

ألف مبروك مني للظواهر عموم = وللمضايين خص وتستحق الوسام

وفق الله ناسٍ طيبين السلوم = روس من روس قوم ٍ خصمها ماينام

حرب نعم القبيله للمعادي سهوم = وفالمعالي نجوم ، وللمكابر لجام

يولد الطفل فيها معه الامجاد توم = يرضع الطيب كله قبل سن الفطام

قالها اللي تخير من خيار القسوم = وانفرد بالفرايد في مديح الحشام

من قبيلة عتيبه مرهبين الخصوم = لا دعتها المواقف مالحقها ملام

جيت وحروف شعري تستحث العزوم = وامطرت بالتهاني والثنا والسلام
[/poem]