مدح بالأستاذ / محمد بن فهد الدخيل

[ALIGN=CENTER]

السلام عليكم ورحمة الله وبركاته....

/

باقة ورد شعريّة ارسلها للأستاذ / محمد بن فهد الدخيل ( أبو ياسر )
وحقيقة هذا الرجل , يستاهل كل خير ,رجل شهم وكريم وصاحب فزعة ونخوة
وهوا من رجالات بقعاء الذين عُرف عنهم النخوة والفزعة والكرم ..!!
ويعلم الله إني أحب هذا الرجل في الله , وعسى الله يحفظه ويخليه لأولاده وأحبابه ..!!



/

[rplayer]http://www.naif9122.com/rm/m7mdfhd.ra[/rplayer]

[poem=font=",6,black,bold,normal" bkcolor="white" bkimage="" border="double,5,black" type=1 line=0 align=center use=ex num="0,black""]
هاضت قريحة شاعر القيفاني = في مدح أبوياسر زبون العاني
محمد ولد فهد الدخيل الطيّب = نعم الرجل فالنايبات حصاني
طيْب ومراجل والتواضع ساسه = بقعاء تماريبه على البلداني
فالموقف الإنساني دايم حاضر = يصلح ويجمع فرقة الإخواني
يشفق على العليا ولا يتنازل = يرقى سنود بهمّة الشجعاني
شوفه صباح وضحكته ترنيمه = شوفه يواسي خاطر الزعلاني
مقبول عند الناس واهل الديره = ليّن جناب وحازمٍ متفاني
تاجر .. قلوب أهل اللواء رصيده = على النقاء خاويته وخاواني
ياكم حضرلي إمسية شعريّه = يجلس اقبالي شايشٍ طرباني
من قبل ما تبدأ وهو متواجد = واليا ختمت الأمسية حيّاني
اِرسل له ابيوت الوفاء منظومه = عقدٍ من الياقوت والمرجاني
امغلّفه بالديدحان البرّي = والقحويان ونفحة الريحاني
مثل ماقال الشاعر البقعاوي = ( ريحة عطيطه ريحة التكّاني)
واللي يقولون المدح مسبّه = بوجه الرجل ذي حيلة الغيراني
هي عادةٍ عند العرب منتشره = في شرعهم مدح الرجل نقصاني !!
مايمدحونه في حياته لله = وإن مات قالوا : مات أبو الإحساني
المدح لو إنه حرام ومنكر = كان الرسول أنكر شعر حسّاني
آبمدح الطيّب علاً وافخر به = وفلان خلّه يقتدي بفلاني
أنا لقيت إن الوفاء مامثله = والله على بذل الوفاء يجزاني
وقفة وفاء للي وقف يدعمني =اللي حضر للأمسية من شاني
أقصد ولد فهد الدخيل محمد = إنسان يسواله مِيَة إنساني
انظم به بيوت الشعر موزونه = واكبر خساره كان مايقراني[/poem]


للحفظ ..هنا

/

\

/

دُمتم بود

[/ALIGN]