رآعي الطايلــه

بسم الله الرحمن الرحيم ..
السلام عليكم ورحمة الله وبركاته ..
رسالة شكر ووفاء لصاحب الوفاء والمواقف المشرفة..
العميد: سلامة عبدالله الجهني.
مدير ادارة شرطة محافظة الحناكية.
تقبلوها بود
[poem=font="Simplified Arabic,5,darkblue,bold,normal" bkcolor="skyblue" bkimage="backgrounds/23.gif" border="solid,4,darkblue" type=2 line=0 align=center use=sp num="0,black""]
يارب وكلتك على امري وانت ماغيرك وكيل = وسالتك التوفيق ياللي مايخيب سايله
ويارب جملني وقدرني على رد الجمــــيل = مع الكريم اللي غرقنا في بحر جمـــايـــله
وله مني التقدير والعرفان والشكر الجزيل = وشعر مايفنيه الزمن لو كان يفني قايله
شعر يخلد ذكره التاريخ من جيل لجيل = باشجان شاعر جات من فيض المشاعر سايله
يوم ارتدم نوه هما وبله وضاق به المسيل = من مدلهم لاح برقه وارزمت مخايله
وانا اذا احتجته بخدمه قال مايخدم بخيل = والا الكريم الجزل ذا طلعي واخذ جزايله
فـ عيب علي ان ما مدحت اللي لهم باع طويل = وعيب علي اذا مدحت اللي يضيع القايله
ورسالتي في مدح الاول والهدف دايم نبيل = ومدح النشاما من هدف شعري ومن رسايله
وان قيل منهو قلت من يارد لياهاب الذليل = والطايله مايعتليها غير راع الطايله
وان قيل منهو قلت من فعله على قوله دليل = لو كان غيره زاد قوله واختفت فعايله
يصغر بعينه مايكون بعين غيره مستحيل = وتحقيق غاياته مسخرة لها وسايله
ربعه خذو من حد راس الرمح والسيف الصقيل = اسم تسموبه ومجد حازته قبايله
قبايل جهينه هل النخوه مزبنت الدخيل = مطوعين العاصيه ومعدلين المايله
وان قيل منهو قلت عنوان الاصاله للأصيل = لكن اذا قلنا (سلامه) كل شكه زايله
تزول عن شخص ابو عبدالله عسى عمره طويل = امجده في صيغة الغايب وانا معناي له
ياكثر ما بالقلب لو ماقلت منه الا القليل = خزاينه بالصدر واللي بان منه اوايله
اوايل التقدير والعرفان والشكر الجزيل = وشعر مايفنيه الدهر لو كان يفني قايله
[/poem]

اخوكم:. هلال عوض المطيري