كبار الهقاوي ومجاراة بن جدلان لها ب كبر المشاريه

السلام عليكم ورحمة الله وبركاته

للتواصل معكم في هذا الصرح الشامخ ونعتذر من الانقطاع

[poem=font="Times New Roman,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
فيصل على فيصل بن أحمد مسميه = نجل الهرم حفيد صقر الجزيره
الفيصلي اللي سما المجد زاهيه = ماكن به مثله ولافيه غيره
يحقله لامن شمخ في هقاويه = كبار الهقاوي في سموه كبيره
ابن أحمد اللي كل مامر طاريه = تسابقة غيد البيوت الحذيره
هاذي تبي وصفه وهاذي مباديه= وهاذي تعيش من الفكر كل حيره
غيدٍ تماريبه وغيدٍ تغنيه = من بينهن شوق وتنافس وغيره
عين الشعر حسناه حتى معانيه = في وجه فيصل كلها مستجيره
لان الوطن والمجد والشعر يعنيه = مخابره في كل كلمه خبيره
من نور وجهه من طلاقة حجاجيه = وهيبته والمنطق وبعد البصيره
لو يوم من فالعاصمه جو حواليه = ماشفتله موكب بليا مسيره
وفيصل على فيصل بن أحمد مسميه = الفيصلي حفيد صقر الجزيره
[/poem]

وهاذي مجاراة أبومحمد

[poem=font="MS Dialog,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أبن شعمل نايف صدى صوته أوحيه= لوكان في ديره وانا يم ديره
أسنافيٍ لخلص معا من يخاويه = قلط مداغيش السهول بضميره
سمّى بفيصل طول الله مهاليه = الله يزود به شيوخ العشيره
سميّ فيصل لاخذا من مواريه = عزالله أن بخوت ربعه كبيره
يافيصل بن أحمد عن أذنك بجاريه = شاعر لعلك تستلب تعبيره
ويافيصل بن أحمد سند من هقا فيه = حلال شبك المعضلات الخطيره
الفيصلي بيض المدايح تهاويه = اللي تقلط للمداغيش سيره
ماتكبر الهقوه وكبر المشاريه= ألا على اهل الأوله والأخيره
أنتم سلاطين الزمان ودواهيه = وأنت أمبراطور الزمان واميره
ماظمت البيدا من الهيه للهيه= مثلك لمحتاج الزمان وفقيره
يقولها اللي يعطي الرجل مافيه = هرجه يهيج واقعه عبر اثيره
[/poem]