نســــــيم آلبـــوح ..

خ ــــــــــــــآ طرهـ للتواصــــل مع ـــكم ..


[poem=font="Traditional Arabic,7,black,normal,normal" bkcolor="transparent" bkimage="backgrounds/1.gif" border="none,4,gray" type=1 line=0 align=center use=ex num="0,black""]
سحابة خيالي لا عترضلك نسيم البوح = وسرا في ركونك نوض برق سرا ليله
وقام يتساما فوق سامي سماك صروح = ووبلك تهاما بارض صدري هماليله
تهادي على صوت الرعد والبروق تلوح = وقولي لها الدنيا يادنيا من انتي له
ماضر اعنف الطوفان مجرى سفينة نوح = ولاسر كسرى عرش ملكه واكاليله
سهد ناظري جهد الصبابه بلا مصلوح = كانه يمنيه السهى من قناديله
كفى ياعذولي لاتزيد الجروح جروح = كفى لاتقف في درب همي وتوميله
انا ادرى بحالي لو خيالي بعيد الشوح = اساير زماني واوزن الهم واكيله
بصدر كتوم ومقلة سرها مفضوح = لها عابر يحدى الضمى عن مناديله
بعبره لها نبره على صوتي المبحوح = اخفي ذهولي عن عذولي وتبديله
واضم الاصابع والروابع تجي وتروح = على صالي جمره تعاقب معاميله
اليا ردد الموال حولي حمام الدوح = دعيته يغنيلي بصوته واغنيله
يغني طرب ويحاكي الحزن يوم ينوح = واعاني معاناته واجاوب مواويله
لعله يسلي خاطري عن تويم الروح = بعد مافقدت اجمل امل من مراسيله
فقدته ولا ادري بعد ماراح وين اروح = شفوق على وصله وانا ما معي حيله
شفوق عليه اشفق من الظامي المشفوح = على رشفة الما بعد هد الظمى حيله
قبل كنت اظن ان الهوى تسليه ومزوح = وتوهقت يوم اني وقعت بمحابيله
محابيل حب الفارع البارع المملوح = برا منه حالي واستحالت مواصيله
لجل خاطره كم كنت اجامل وانا مجروح = احب اختيارالصعب من كثر حبي له
اجامل وصدري من لهيب الغرام يفوح = له اميل لو ما ارضى على نفسي الميله
على لا خطأ لمني ومنك الخطأ مسموح = تدلل وغيرك ماتعودت تدليله
اداري وانا داري ولاني قصير شبوح = لكن الفواد اذا انتحى ويش اسويله
[/poem]


وسلآمة الجميع . .