عبدالله ابن سبيل (المقطان )

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
وش خانة المقطان لو قيل محـلاه=صيور ماجا بالليالي غـدت بـه
يا مل لقلب ٍ من شديد العرب بـاه=بوهة غرير ٍ بالمضامي رمت به
لا والله إلا صـار للبـدو نونـاه=وثور عسام الجو مما عفـت بـه
والبيت هدّن الخـدم زيـن مبنـاه=طوّن ذراه وقينة الزمل جت بـه
وشالوا على اللي بالمبارك مثنـاه=ماحط فوق ظهورها زوعت بـه
مظهورهم كن الطماميـع تشعـاه=يتلي سلف خيال من قربـت بـه
ياقرب مسراحه وما أبعد معشـاه=له شدة ٍ راعي الغنم تشتمـت يـه
لو صوت الرجال ما تسمع نـداه=من لجة المرحـول مايلتفـت بـه
مقطانهم أمسـت خلـي ٍ ركايـاه=تقنب سباعه والذواري بنـت بـه
وردوا علـى عـد ٍ حللهم بمنـداه=لين إن كل ٍ من مديده لفـت بـه
يوم استخالو نوض برق ٍ بمنشـاه=يذكر لهم من راح سيله نبت بـه
ياعيني اللي في نظرهـا مشقـاه=تاصل إلى مشرافهم واشرفت بـه
والعين سبر القلب والرجل مغـراه=والي ومر قلبي لرجلـي مشتبـه
رجلي على كثر التراديـد مشهـاه=مامورة ٍ والا إنها مستعـت بـه
قلبي ربيعه جيـة البـدو ومنـاه=ولا حسب البيعات وش صرفت به
العصر يوم ان القصر مالت إفيّاه=في سوقنا الثوب الحمر وقفت بـه
يجر ثوب البـز وآعضـم بلـواه=لوكان قلبي ممحـل ٍ ربعـت بـه
ياتل قلبي تلـة الغـرب لرشـاه=على زعاع ٍ حايل ٍ صدرت بـه
سواقها عبدٍ ضربها بمحداه=اما امرست برشاه ولا وطت به
كنك على سوقه تهمه وتنخاه=لا عود الله ساعةٍ عرفت به
لاقفى بها كن الطماميع تنحاه=كن الدلو طيرٍ ليا نزعت به
لين انمزع غربه على حد عرقاه=وجيلان بيره بالمسوح العبت به[/poem]