تلويحه ..

،’
اسعد الله جميع أوقاتكم بكل محبة وخير

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""] نعيم الليل للخالي وغاراته على المضهود= يسريه الدجى ليلٍ عتيم اطفى مصابيحه
انا والليل والهوجاس يا حاوي ويا مردود=رعاك الله ياليل تنادمني تباريحه
حداك النور يوم تغير في صدري وجيت تقود= همومٍ لو يسابقها القطا تسبق مراويحه
عليك ومنك ما ذقنا من فراق وجفا وصدود= تنزهت وعسى ماقسمي إمن الود تلويحه
مضالي وقت لومالله عويني فالليال السود= يسجلني زمان الغبن من جملة مجاريحه
اقول بخير لو ماني بخير ولاني بـ .. محسود= طريح فراش من قل الوفق والطيحه .. الطيحه
تحريت الصبر يثمر مثل مايثمر العنقود=تحت ربي وعايش بين تهليله وتسبيحه
مغير أجبّر عزومي ليا هبت هبوب النود=محاملها نسانيس الغرام ومسكه وشيحه
تذكرني جفول في نواصيها الرضى معقود=عهدنا العام يازول زمت من دونه الضيحه
يتل القلب ويلحه مثل لح البدو للذود=على قاعٍ من صدوف الدهر كثروا مشافيحه
موقفني على ريع الندامة حظي المقرود=عقب ماأقفى وانا افتل فـ .. المدى وأنقض مسابيحه
نفذ صبر الدريك ونوم عينه بالسهرمرصود=على الله الفرج يوم الفرج ضاعت مفاتيحه
عساه يحن لأيام المواصل والغلا ويجود=واقول الله يحله لاضناه الشوق ويبيحه
علي إن الرضا وان المحبه والوفا في زود=وعليه إمن الغلا مع كل طلعة شمس تصبيحه[/poem]

وسلامتكم جميع