أى شخص يصدق الشاعر غبي ..!!

السلام عليكم ورحمه الله وبركاته
تاخذنا مشاغل الحياه ونعود لعرين الشعر
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الشعر تأخذني معه كل الدروب = واكرم سباله مثل تكريم شنبي
لو الهجوس اللي درر بالوصل عوب = وانا لبدع العوب قافي ينسبي
اليا بدعت القاف مع وقت الغروب = كني شريك الراجحي بالمكسبي
لو الشعر تال الدهر في كل صوب = كل ٍ يقول انه على بدعه صبي
احد ٍ ليا قاله ليا القول محسوب = يسب العقول اللي تفطن له سبي
وأحدٍ ليا قاله ليا القول مغصوب = يدمر مجال الشعر كله ويهبي
لكن هبي يانسانيس الهبوب = وصلى الله وسلم على ذكر النبي
يارب اجرني عن عذابك والذنوب = واغفر لزلاتي وحقق مطلبي
يارب انا عبدك ومليان ٍ عيوب = وانت الكريم وعبدك الداعي يبي
بلشت عن بدع القصايد كيف اتوب = وكيف أتركه يطير كالحر الابي
أحيان أقول انى على سحر القلوب = كحلت عين شعيل وعيون الظبي
وأحيان أقول أنى مغويٍ للشعوب = وان أى شخص يصدق الشاعر غبي[/poem]

الموقع أدناه ..