هلالية البحر

السلام عليكم ورحمة الله وبركاته

أعزائي رواد المرقاب تحيه تليق بكم

أعتذر عن طول الغياب الذي ليس بمحض الاراده ولكن في جعبتي قصيده أتمنى ان تنال منكم الاعجاب وأتمنى ان تشفع بعد طول غياب

يقولــ عايض بن غراب ـــــــ

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]

برق سرا منه المساييل سايله=من عقب ما حنا نخيٌل مخايله
في روضة من قد لها عام ممحله=الين ربي مد فيها فضايله
غرد بها القمري وانا ماشي بها=والصبر عندي ما بقا الا قلايله
جلست بطرفها ليتني ما جلست به=وغنيت طاروق مواريه زايله
قصيدة تدعى هلالية البحر=تركي على الخافق وتوقد ملايله
في طولها تشبه لها ليلة الشتا=تركي على الهاجس وتوقد ملايله
وفي حسنها كنها فتاة معربه=ما هيب في كل المحلات زايله
لا سمعها الذوُيق وامعن بها النظر=يقول هذا الهرج منهو اللي قايله
يقوله من الشعار شاعر تصيغره=يمناه في قطف الجزيلات طايله
وجدانه الاثنين شعار وان حكا=هرجه يقدم من فعوله دلايله
وساعة شعاه القمري اللي من الطرب=غنا وولع في ضميره فتايله
يا راكب اللي ما بعد دق سلفها=من اسيا فالخط سواق عايله
منفوخة الجنبين مزبورة القفا=كنك تمايلها ولا هيب مايله
اليا اقبلت ذيب وصل حروة العشا=واليا ادبرت شيخ نزح من قبايله
واذا استوى السايق عليها وتلها=فالخط والله فك له من هوايله
كن ابو نوره فالمكينه بفرقته=غنا بعد ما ارسل حبيبه رسايله
توصلني اللي مبطي عنه والبطا=ما هوب منسيني زماني جمايله
وفيت له يوم ان وقته تهدده=وهو وفا لي والوفا من خصايله
يا صاحبي لو فرق الوقت بيننا=من قبلنا هذي تراها عمايله
وهذي غصون الوقت ما هيب تنثني=الا لمن يتعب عليها رحايله
تجزل لك المدات لمنها مدتك=وتاخذ شوي ولينها عنك حايله
فنفسك وانا صاحبك حذرا تطيعها=بعض النخل ياتي عذابه فسايله
ولا تحزن ان شفت الكدايش تعدتك=ما يلحق من الخيل يا كود اصايله
وسلام عليك من الخزامى معطره=ياللي وفا الاخلاق سيد خصايله

[/poem]

وسلامتكم