شوق الهنوف اللي هبوب النود يحفي خدها..

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
بسم الله الرحمن الرحيم
السلام عليكم

سلام لوجيه الرجال اللي لهم وجه وجاه=اللي ولوطال المدى ماهو يبيح سدها
رد الوفا لاهل الوفا فرض بعد فرض الصلاه=على علوم الطيب مد ام الشحم وامدها
وابن فهد عبدالله ال وبير حي الله نباه=اللي وقف له وقفة عز الله انه قدها
عد قراح من حداه له الظما يقطع ظماه=يردونه اهل المملكه من حدها لي حدها
العيلم اللي مايغوضه كل من دلى رشاه=شوق الهنوف اللي هبوب النود يحفي خدها
من ربعنا ال هشام الابطال الطحاطيح الدهاه=لوتجتمع سبع البدايد ماتوقف ضدها
عجمان والعجمان من الاتراك لجبال السراه=قوم سيوف الهند تنقلها وتروي حدها
من قبل ابن حثلين ليذلحين من قول الرواه=اللابه اللي تضهد العايل ولا احد ضدها
الله يرحم روح ابن حثلين ويطيب ثراه=ولو بغيت احصي فعوله ماقدرت اعدها
راكان ابن حثلين تاريخ يشيب من قراه=كم صارع الايام مبيضها على مسودها
وانا قصيدي في هل الطولات ياتي له طراه=مثل اطيب الاطياب يوم يفوح منها ندها
قلته وانا ابن وعيل من يام مطوعة العصاه=اللي تحدا زمرة الفتنه وتلعن جدها
وسلامتكم ولا على القبايل زود
[/poem]