تجاهله وانت الحظيظ ان تجاهلك

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
اذا بليت بخبل با ديار الاجناب= وانته مقدر عندهم لا يزعلك
تجنبه والقدر لعزاز الانساب = والخبل لا تتبع نزوله ينزلك
مار ان لبس بسام والا لبس كاب = تجاهله وانت الحظيظ ان تجاهلك
يرتاح راسك من مشاريه وعتاب = مع ناس معهم تطلب الله يجملك
هذا الصحيح وكل شي له اسباب = والمعرفه ماهي لحد عن احد ملك
تجنى من مجالس طويلين الاشناب = وتجارب الايام والماقف الحلك
ومواهب يرزق بها رب الارباب = الواحد الفرد الصمد مالك الملك
هذا الكلام الي من العقل منساب = ماهو كلام الي تقل عالكه علك
والصدق لولا الصدق ما فيه كذاب =والي مشى ورى سراب الضما هلك
ون شفت لك با السوق خمسين جلاب = صدر البحر ما ضاق من كثرة الفلك
يحتاج راع الصنف ميزات الاعجاب = يم الردي ما يجذبه مبرم السلك
لو كان في صفه مطبل ونصاب = ياصرت طيب لا تحسبه يعادلك [/poem]