على العز والطيب

[poem=font="Simplified Arabic,6,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
قدر ومقام الطيب بين الرفاقه=واليا تلاقينا على العز والطيب
الطيب اللي ما ندور ا فرآقه=وكل النشاما لا حضر له معازيب
من طيب ذاته له جزيل العلاقه=ما يدخله شكه والا يدخله ريب
حكيم راكد ما يعرف الطفاقه=رجال عرف وكل عرفه مكا سيب
وطيب دايم هقوته واشتياقه=محكحك المعدن عريب المجاذيب
رجلً يجمل مع حضوره نطاقه =تفرح اليا خاواك يم الاجانيب
عقل وثقل وسلوب عرف ولباقه =ذيب الرجال الي يسمونه الذيب
ما يفتح ان سولف من الهرج طاقه=وان طال مجلاسه تزود التراحيب
هذاك هو اللي عليه الشفاقه=وربعه اليامن غاب كزو مناديب
يفدا النشاما كل عفن و هقاقه=روس العفون امكدرين المشاريب
اللي مع اهل الطيب مثل العلآقه=حسبت عدد ماهم بحسبت مواجيب
ايساق واحدهم تقل سوق ناقه=لو صك فوق احنوكه الدقن تركيب
ولا للحا في ما ذكرته علاقه=سود الحا تكرم ويكرم هل الشيب
لو جا ورا بعض الدقون ادراقه=لبسو ادقون اهل الوفا زمرت العيب
لاكن مصير ادقونهم للحلاقه=لا صار حدر دقونهم كل تخريب
والقدر ساس ولا يلفق الفاقه=ولا ينوخذ با الدغمره والاكاذيب
من كثر الهفوات يلقا حقاقه=من زله العبرود حدر المحاديب
ولهل الوفا والطيب مليون باقه=باقت زهر بستان من غالي الطيب[/poem]