بدايـــات ونهــــايات ،،،،،،،،،،،،، مصافحة أولى

السلام عليكم ورحمة الله وبركاته


مساء الخيررر


يسعدني ويشرفني التواجد بينكم في هذا الصرح الرائع






[poem=font="simplified arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
بحور الهوى اللي موجها يغرق السبـــاح=ومـــن طـبّ في تيـــارها مـــا سلم منهــا
تحت سطحها للحوت والقرش والتمســاح=مــلاحم بطــوليـــة توكــــد تسلــطــنــــها
ولا فوقهـــــا منهــــاج للـدسر والالــــوح=تناظر لـهـــا من صغــــــرها مـا تثــمنـها
عليها كبار السفـــن كـم فوقهــــا صياح=تبـــا ترتـــكي لكـــــن تفـــقـــد توازنــهـا
يدقــر لهـــا ضيـــم الليـالي عن المرواح=وتفشل من الحيـــــــــرة مسـاعي كباتنها
بـــدايـات ونهايــات الاجســاد والارواح=مراسم خفـــيّــة ما لقـــــــت حي يعلنهــا
ضحــــايا تواجه نحبها في ثياب افراح=وحرمات ملكليــــــــات ما ينـّـشد عنها
هوايل خفيـــف الوزن من همهـا مرتاح=يظــــن الســـلامة قــادمة ويتعـينـــها
تصوّر له الايام صورة من الضحضاح=مناظر تســـر العين وقصور يسكنها
ومشتل ورود وروضةً زهرهــــا فوّاح=يحث الخطـــــا وده من الدهر يزبنها
ولا هوب داري لين يشعر بطعن رماح=من الوجهة اللي كـــــان بالحيـل يامنها
تقف عزته ميقـــاف طيراً كسير جناح=هواهــا المطيــر ووقتهـــــا ما يمكنهـا
حقيقة بعـــد مسرى ليال وبعد مسراح=بناها ضمـــير اللي وجـــــدها ودونها
ماأخذها بلاش ولا بطلبه وطول إلحاح=ولاهي بـفهقــــة من كريم متدينها
دفع سعرها في سوقها كاش والارباح=سلامة رقابً كـــاد الإذعان يرهــنـها
قبل ينثني ويجـاوب القمري اللي ناح=حسب للأمور حساب والحسـبة أتقنها
ولوّح لطيـره ساعة الضيّــق بالملواح= لجـــل يأمر وينهى ولا يــؤمر وينها
يا سـداح يا سـداح ليــــن ارتفع سداح=وحلق على حد الكواكــب وعــاينــها [/poem]























.