سما الابداع يامحلا نجومه

السلام عليكم ورحمه الله وبركاته
مساء الخير والطيب والتقدير للجميع
إليكم هذه المقطوعه
امل ان تحوز على رضاكم
[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
‫سما الابداع يامحلا نجومه=بليلٍ ينطوي في بطن يومه‬
‫يمر وينتحي والليل ساري=ويسرقني على غفله ورومه‬
‫وشمر ساعدي واشد حيلي=وحبل الموهبه هذا لزومه‬
‫يوردني وتجبرني طموحي=ازور الشعر في بحره وعومه‬
‫وبيع الروح من شان الجواهر=واقوم لهيبته مليون قومه‬
‫وصافح كلٍ فكر ينتمي له=بفكره واتقدم في قدومه‬
‫حلاة الشعر في وقته وحله=إلى صارت على اليمه يمومه‬
‫يطيب لخاطري عطر المسامع=إلى كل ارجحٍ ورد علومه‬
‫يجي للعلم والاشعار داعي=ونفسي مع هل العرف معزومه‬
‫اساهم بالتماثيل الجديده=واحل بشعري حبال الخصومه‬
‫وانادي للتكاتف والتعاون=واحب الخير ودعي للحكومه‬
‫بدعوه صادقه من قلب مخلص=على وضح النقا بيضٍ سلومه‬
‫على مبدا حكيم الراي ابصدع=بكلمه والزمن واجد سهومه‬
‫على المسؤول حفظان الامانه=وكبح الغش والنفس الظلومه‬
‫وعلى التجار نظرات التوازن=وراع العزم لا يثني عزومه‬
‫ترا باب الجشع لازم نسده=عسى برد الزمن يغلب سمومه‬
‫يانفسٍ تدحر اهل الشر دايم=احليها على قبٍ قحومه‬
‫بيوت العز عز المن دخلها=وبيوت الذل بالذل مهدومه‬
‫عن الاسهاب ابختم الرساله=بعطر العرف والطيب مختومه‬
‫صنعت لنفسي الفرحه صناعه=ولو قلبي تنازعني همومه‬
‫ابي نظرة صديقي بالعلالي=ونظرات المعادين معدومه‬
[/poem]

وسلمتوا