الغياب المر قتّال الحضور

بسم الله الرحمن الرحيم



السلام عليكم ورحمة الله وبركاته





إخوتي الأعزاء هذا جديدي في شعر النظم أتمنى أن تحوز القصيده على رضاكم



بإختصار أترك للقارئ والمستمع تفسير وتأويل القصيده بما يراه.





وهي متوفره أيضا شيله صوتيه









[poem=font="Simplified Arabic,6,darkblue,normal,normal" bkcolor="transparent" bkimage="backgrounds/16.gif" border="outset,4,gray" type=2 line=0 align=center use=ex num="1,black""]

الغياب المر قتّال الحضور=والحضور العذب قتّال الغياب

الحضور العذب ناتج عن سرور=والغياب المر ناتج عن عذاب

بين ذيك وذيك يختال الشعور=يقتل الاحلام في عمر الشباب

هكذا الأيام والدنيا تدور=نطرد الاحلام والواقع سراب

بين غابات الذيابه والنمور=مايعيش الا النموره والذياب

ليش حنى مانبادر بالظهور=ونتقدم للمعالي مانهاب

دام مكنون الطموح يشع نور=ليش حنى ندفنه تحت التراب!

والله ان الصبر في بعض الامور=يثني الإنسان عن حث الركاب

يازمن نبغى لنا رخضة عبور= تنهي الحيره وتفتح كل باب

للفضا للأرض حتى للبحور=للسؤال اللي غدى ماله جواب

آه ياكثر المصايب والكسور=تنتقل بين المشاعر والرقاب

مايخبي جرحها غير القبور=لين تطوى كل صفحات الكتاب

هكذا وتروح ياغيض الصدور=لا جدال ولا عناد ولا عتاب

مختصرها واقع الوقت الدبور= مايسامح من رضي بالإنسحاب

والحياه اللي تكون بدون دور=تبتدي وتروح مرواح الضباب

والحياه بفعل تبقى للعصور=مثل ماتبقى على الأرض الهضاب

في حظور الفكر وغياب الغرور=نطلق الهمه وتوصل للسحاب

واللبيب اليا تمعن في السطور=يعرف الحكمه ومضمون الخطاب

[/poem]



وسلامتكم