عشق بدوي

[poem=font=",6,red,normal,normal" bkcolor="transparent" bkimage="" border="inset,10,red" type=2 line=1 align=center use=ex num="0,black""]
حياك ياللي لا لفيت يمدلك كفٍ ندي=الله يحييك بمحل اللي عنالك وعزمك
مير اعذره لو حط لك روحه ترى ماحط شي=قدرك عظيم ومن بعد تعظيم ربي ماعظمك
جيت ووسط قلبي حكمت وصار لك قلبي وفي=حطيت لك دوله ولك سلطه ومرفوع علمك
القلب مملكتك وانا خذني بمملتكتك خوي=الله عطاك من الغلا والزين والحظ خدمك
وش لون اقاوم جاذبيتك وانت سابيني سبي=ياللي تلبسك الحلا من هامتك لين قدمك
لو غبت عني ينزوي قلبي على شوفك زوي=وان جيتني قمت اتلعثم لا بغيت اكلمك
لو فيه سوقٍ للجمال نبيع فيه ونشتري=كان انت في سوق الجمال منسبٍ فوق سهمك
والطله اللي نورها مثل القمر يضوي ضوي=شع شع سناها ماتحجب النور لفة ملثمك
اعشقك عشق يقال له عند العرب عشق بدوي=ياجعلني من بعد كل العشق هذا ماعدمك
وليا عذلني عن غرامك واحدٍ ماهو سوي=اقول معطيني غلاه اللي من العقل حرمك[/poem]