ياعذاب الجيب من سكة حويته ***

بسم الله الرحمن الرحيم

أتشرف بدخولي لهذا الصرح الشامخ ....

لذا حبيت أن أشارك بهذه القصيدة التي تحمل بداخلها رمز من رموز الشجاعه وهو

(صاحب السمو الملكي الأمير/ خالد بن سلطان) . وهو غني عن التعريف بمواقفه المشرفه التي

يفتخر بها الوطن..

وكذلك تحمل بداخلها رجل برز بموقفه المشرف الذي لايجهله الجميع وهو

(الشيخ الفريق / فيصل بن لبده).

[poem=font="Simplified Arabic,6,black,normal,normal" bkcolor="transparent" bkimage="" border="double,4,darkred" type=0 line=0 align=center use=ex num="0,black""]


ياعذاب الجيب من سكة حويـــته = كل ليل معرضه سـودالغــــداري

مابقي درب معقد مـــاعطيتـــه = علمتني غبر الايــام المســاري

يوم بـــعته ثم تحسفت وشريتـه = خابره لاصار طارلي طــــــواري

اعرفــه لانعنبوه إليانـــخيته = مايقلد باالمريكي والسفـــاري

يقرب الحي البعيد إليا بغيتـه = خـص لاهبت نسانيـــس العصــاري

الله اكبر لاكشح بانوار ليتــــه = مثل نور الغاز فالسوق التجاري

كن زوله لانطحته وإن قفيتـــه = قايدن لمواجـه الحرب إنتـحاري

قايدن في كل يوم يذاع صيتــه = من سطر رأسه على الصوكات ضاري

فيه هيبة سيدي خالد فديـتـــه = وفيه من وقفـات بن لبده مواري

يوم طـب المعركه ماقال لـيتـه = نفذأمره ماأحترى الامر الوزاري

اقدحت من رأس شيـخ مهـــتويته = يــعشق الجزلـه ويأخذها جباري

شيخ قومن لااحتمى العلم ونصيته = كلمته يؤخذ لها عيـن إعتبـاري

من شيوخن كل عـلــم(ن)محتميته = يوم صوكات القبايل بالــسواري

لو ابكتب عن فعولـه ماكفيــته = تتعب اقلامي عنه واقلام غـــاري

مير اقول الجيب أبرجع مانسيته = في وصوفه والله إن كـنه يمــاري

يستعز القاف فيه إليــا بنيته =يستويلي فيـه من دون إختـياري

لاوزنت عيار بنـزيمه وزيتــــه = لايهمك مـع ازفلت ومــع صحـاري

واحدن مايركنه قدام بيتـــــه =عن بعيدات المداء مـاهوب داري[/poem]