يافرحة الخاطر..

مصافحه اولى اتمنى لها العبور والاستحسان..

[poem=font="Arial,4,firebrick,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يرضيـك عيـنٍ عقـب فرقـاك تبكيـك=وعلـيـك تسـهـر داجــي اللـيـل كـلـه
ماكنت اعرف العشق من قبل الاقيك=ولاكنـت اعـرف الشـوق دقـه وجلـه
ليـن الليالـي جسـدت فرحـتـي فـيـك=ودليـت بـابً كـنـت قبـلـك مــا ادلــه
واستبشـرت فرحـات قلبـي بطاريـك=وبرقـك عيونـي فالدجـا خايـلـن لــه
وابحرت في بحرك ولاجيت شاطيـك=يامخـفـن الـزلـه عـلـى غـيـر ادلـــه
قتـلـت حـلـمً كــان يسقـيـه سـاقـيـك=ذبلـت زهــوره وانثـنـى فــي محـلـه
أسقيتني مـن كـاس هجـرك بأياديـك=وبهّـرت لـي مـن قاسـي الهـرج دلـه
وجزيتـنـي بالـصـد ربــي يـجـازيـك=وانـــا خـيـالـك نــاظــري مـايـمـلـه
ليتك تحس بنار شوقي وانـا ادعيـك=ليتـك تعـرف انـك بوصـلـك دوًا لــه
يافرحـة الخاطـر عسـى الله يخلـيـك=دنيـاي مــن دونــك عــذاب ومـذلـه
لـد النظـر يـمـي الـيـا قـمـت انـاديـكلاتـسـفـه الـداعــي تـوحــى وقـلــه
كانك تبي وصلي فانا اهواك وارجيك=وكـانـك تـبـي بـعـدي فـشـكـواي لله
تلقـى عقـب فرقـاي منهـو يراعيـك=ومــع الـزمـن ينـقـال خـــل ٍ وخـلــه
ولا تــرى قلـبـي فـلاهـوب نـاسـيـك=لـيـن الجـسـد فالقـبـر طـيـنـه يـبـلـه[/poem]