!! .. رابع يوم عيد .. !!

ملتقى ( آل تواه ) 2

كان لهذا النص نصيب !



[poem=font="Simplified Arabic,4,#000000,bold,normal" bkcolor="" bkimage="" border="none,4,#400000" type=1 line=1 align=center use=ex num="0,#400000"]
,







كل توفيقٍ من الله للعبيد = يسبقه سجده ودعوه واجتهاد



وكل من يصفق من الضيقه .. بالايد = عاش كل سنين عمره ما استفاد


كبّل آمانيه شيطانٍ مريد = الكسل زرعه وخيبَتْه الحصاد


مالك الاّ انك اتجمّل ياقصيد = عطني البيضا وجنّبني السواد


شاعرٍ وأقدح من الراس العنيد = وجمرتي حيّه مايطفيها الرماد


حرّ .. وأكتب لابشرط ولا بقيد = وأحمد الله ما أهيم بكل واد


وطيرنا اللي شار بالشور السديد = ما شهر في جوّ الأريا الاّ وصاد


فرصةٍ منها نفيد ونستفيد = روعة التنظيم وانواع المواد


خاطر الشيبه موسّع .. والحفيد = ناسي همومه لو هي كثر الجراد


في محل الربع رابع يوم عيد = يطرد اللاهوب نسناس البراد


بين عم وبين ابن عم وعضيد = لابةٍ كفو وعليها الاعتماد


( آل توّاه ) أفتخر فيهم وأشيد = واحدٍ منهم ولكن بالحياد


والله ان فعولهم وأنا بعيد = ترفع ارقبتي عن أرقاب العباد


هم هل الطالات والمجد التليد = محتمين التاليه يوم الطراد


عزمهم أقسى وأشد من الحديد = كن مافي صدر واحدهم فواد


مايعرفون التراخي في الشديد = وروسهم ماهيب تخضع لو تباد


فيهم حميّا وأهل شيمه وجيد = يكسبون الطيب لو يعرض مزاد


وجارهم في كل حالاته سعيد = وانشدوا في البر ولاّ في البلاد


وأنت ياللي لا شقيق ولا وليد = لو ظروفك حاصَرَتك بيوم ناد


شبرك بيطول وناقصك بيزيد = وعن سهرك ارتاح واهنا بالرقاد


طبع جد وعد ماجاهم جديد = وان فنت أجيال .. أجيال امتداد


كلمةٍ ماجت معا ساعي بريد = جت من لساني لمسامعهم تقاد


قادَها غلاً جرى بدم الوريد = للمحازم في الخفاف وفي الشداد


ربّي عطهم عمر بالطاعه مديد = وعيد جمعتهم على مر العياد[/poem]