ياهل الكويت كويتكم ماهو معقول

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياهل الكويت كويتكم ماهو معقول = كويتكم ياهل الكويت افطنو له
من ناس تذبح با المشاهد على طول = بعيون سود نا عسات ذبوله
واجهتهم با مجمع لو حته مول = لا عاد مول و ساعة جيت حوله
ماني بزول وقلت يا ليتني زول = لو كنت زول الزول ما طالعو له
شفت ادمين فارع الزين والطول = ونفسي على شوف المزين ميوله
يمشي ومشيه يا مشى تقل معلول = مدري دلع مدري ثقيله حموله
والخصر ملهوف عن الردف مفصول = مع كل خطوه قلت يكسر نعوله
يطرق بعين رمشها سهم مرسول =للي مثل حالي يموت بسهوله
ياشاف حمرٍ في تمرعادها لول = معسلات با الحمار مغسوله
ومجدل ليل على المتن مسدول= همال ودان مسدل ثعوله
اليا لتفت قامت تثنى به خصول = واليا وقف طوله مساوي لطوله
الون كنه من اهالي سطنبول= اما الحلايا من بلاد السيوله
والبس ما عنده على البس مسؤل = يلبس على كيفه ويسهج عذوله
والله مدري وش بقى بزينه اقول = مار الوكاد انه يهول وهوله
عيبه مع الاسواق في زحمة الضول = من لا يغض الطرف يرضي فضوله
عساه يفدا من لها القلب مجبول = والغيرها ما عن قلبي خيوله
بنت الرجال الي تحلا باالاصول = ومن امها يا نا ضرتها خجوله
مبطي ومنها الوصل يرجى وما مول= وعن غيرها قلبي مقفل قفوله
هذا وانا مفتون يا شفت مجمول = وما شافته عيني لساني يقوله
والزين زين وكل ما فيه مقبول = والشين شين وش نبيبه ننوله
والحب له بقلوب الاحباب مدلول =كم فيه ناس مهبله ومخبوله [/poem]