حســـــــــــــــــــــرة نـــــــــــــــــدم (( مصآفحه ثآنيه))

[OVERLINE]السسسلام عليكم ورحمة الله وبركآته ..
حرووف متوآضعه اطرحهآ امآم انظآركم ... ارجو ان تنآل اعجآبكم وترتقي لذآيقتكم ..[/OVERLINE]




ااه مـن ليلن ضـلامه زآدني حزن وآلم
اسهر جفونـ(ن) على خدي عبآيرهآ تسيل
.
واشعل بصدري جحيمـ(ن) نآرهآ حسرة ندم
اشهد اني من لضآهـآ ياهلي قلبـي عليل
.
لاذكــرت اللي على بآلي من اول تبـتسم
قمت اصور في خيآلي صورة البسمه واخيل
.
حبهآ وسط الحنآيآ في خفـوقـي مرتـسم
بين حـلم وبين علم وبين وهـآج الفـتيل
.
وصوتهآ في مسمعي يعزف كمآ صوت النغم
لاسمعته قمت اردد صوتها وازفـر واشيل
.
كنت خآيـف لافقدتـك يآغنـآتي بنصدم
وانصدمت ولا بقالي من ورى شوفك حصيل
.
تحسبين اني على دربك بسـج ألك القـدم
لاحرآم اني لعز النفـس واللهمآ الرحـيل
.
نعنبوآ قلبـ(ن) من اللوعـآت حضه مآسلم
ونعنبوآ حبـ(ن) تسيطر له على قلبـ(ن) ذليل
.
يالله اني في رجـآك ولا لغـيرك معتـصم
يآإلـهٍ مآلنـآ غيـره إلـه ولا بديــل
.
تفـرج لعبدك هموم(ن) في خفوقه تزدحم
يامنجي كربة اللي في رجآء وجهك دخيل

وسسسلامتكم ..

عبدالله المقــٌرن ..