عندي وكنه من ورا ساحل العاج ( مبارك السوارج )

اقدم لكم هذي القصيده وارجو انها تحوز على رضاكم

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]

نـاح الحمـام وزود القلـب بخـلاج=ودموع عينـي فـوق خـدي مداريـج

من هاجسٍ يضرب مثل ضرب الامواج=بيـن الضمايـر موقعـه والمساهيـج

ليا طرى مـن شوفتـه كلهـا ابهـاج=الجـادل الغطـروف سيـد العماهيـج

اللي عليه من المهـا عيـن واحجـاج=والخـد بـراق سـرالـه تواهـيـج

بأطـراف غــرٍ بسمـالـه تلـعـاج=تمطـر مقاديمـه وتلـعـج تلاعـيـج

ابو ثمـان صـف مـا فيهـن افـلاج=مثل البرد مـن نـو مـزنٍ مراهيـج

خشـفٍ عليـه القلـب جافيـه دولاج=وأحييت ليلـي بالسهـر والسواهيـج

عندي وكنه مـن ورا ساحـل العـاج=حدونـي اللـي فعلهـم بـان بالهيـج

دونه حـدود وطـوق الحـد بسيـاج=ما تاصلـه رجلـي ولا مـن مناهيـج

يقطعك يا حـبٍ ورا طـرده احـراج=هـذا مثـل منـت خطـات الهباليـج

لا واهنـي الطيـر بالـريـش لا راج=مع الفضا مـا مـر نقطـه وتخريـج

حرٍ ليونس ضيم ولا اونـس ازعـاج=مـد الجنـاح ولا يجامـل بتهـريـج

يهوي مع اللجه تقل وصـف ميـراج=وعندك خبر في سرعة الطير والميـج
[/poem]
وسلامتكم


اخوكم : مبارك السوارج ..