رياح موسمية

بعد التحية أعزائي

بين أيديكم هذه المتواضعة لذوقكم الرفيع :
[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]


بين ذربين الفعول وبين جزلين المعاني=يامقام الشعر والله لاعليك ولاعليه
يوم نادني بنات الفكر وأسرجت الحصاني=غنت جبال السراه وغطرفت نجد العذيه
ودي الاحي طروق الناس لكن المحاني=بينها جمرة غض ٍ من قد لها عامين حية
كل ماطفيتها بالصبر جددها زماني=والبلى إن الشوق في صدري رياحه موسمية
ويش أقول وويش أطول وويش ينطق به لساني=كل ما أنسدت دروب العشق غنت راعبيه
وإهتديت لدربها وأنا أحسب إن الله هداني=بين مزموم الرجوم وبين قاع الجرهدية
ثامنة سبع العجايب يوم تضحك بالثماني=وصفها فوق البيوت النادره والشاعرية
عيّفتني بعدها فـ منادم الغيد الغواني=أتعنصر دونها وأنا ما أحب العنصرية
تجذب ولا تكذب بطعناتها ولاتعاني=غير من فتنة محياها وسر الجاذبية
كل ما أغضت بالعيون الخدره أثبت في مكاني=واشهرت رمح المطني وركزت سهم المنية
كني اللي طاح في دقله عريبين المجاني=يتعزوى في جدوده ويتلفت في خويه
والفرح شحت يديه وكلّ ما أفتكره نساني=والحزن في غيبته صارت كفوفه حاتميه
إندمل جرح الغياب وحركته أول وثاني=وإستعدنا الصبر وعجاف السنين السرمدية[/poem]


وسلامتكم