سلم وانا سلمت واغظى وراحي () الجو صافي مير الاخلاق شينه ( جديد للمرقاب )

السلام عليكم ورحمة الله وبركاته اصافحكم بهذه القصيده الغزليه لـ المرقاب الناجح ..

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
اقفى دجى ليله وبان الصباحي=والجفن حلو النوم ما طب عينه
ابا المراح ولا اهتنى بالمراحي=كن الحماط بداخله مدخلينه
اجاذب الونات والسد باحي=باح العزا واظهر خوافي كنينه
اشفق على الراحات والانشراحي=غديت من همي تقل شين طينه
مريض قلب وخاطري ما استراحي=واجحد صوابي مير نفسي حزينه
دايم مزاج البال ماهوب صاحي=مشغول مثل محركات المكينه
لا عود الله عرف سيد الملاحي=مرتاح وانا الروح عنده رهينه
ما هو مرجويني عسا ما يباحي=حنيت له وابطى عليه حنينه
غرو ٍ عليه اوصوف ظبي البراحي=جميل توصيفه ولا مثل زينه
عوده زهى المكسي ولبس الشلاحي=يا زين خلخال الذهب في يدينه
بعيونها جيش ٍ حديث السلاحي=يرمي عدوه والملاجي حصينه
حبه شبكني شبك موم الجناحي=بالمشبكه يا ويل من شابكينه
عندي وكنه من ورا مصر ناحي=ابا مجيه مير ويني ووينه
اتلى العهد في شوفته باللياحي=صدفه بلا ميعاد بيني وبينه
سلم وانا سلمت واغظى وراحي=الجو صافي مير الاخلاق شينه
وحال الذرى دونه وحال السناحي=وامرح وانا سريت يم المدينه
وزاد الجروح الاولات الجراحي=في جرح ماله طب يا معالجينه
وحاولت اسل النفس وابعد مشاحي=عن اهل النمه ما ودي تدينه[/poem]
( وسلامتكم )

اخوكم : مبارك رشيد السوارج