من شيخات قصيد عنزة.. شيخة الصقري

أخواني في المرقاب ..

أحببت أن أضع بين أيديكم هذه القصيدة مع تعريف بسيط حولها وحول شاعرها :

هذه القصيدة إحدى شيخات قصيد عنزة و دررها الثمينة

وهي للشاعر مقحم بن محمد النجدي الصقري من الصقور من العمارات من عنزة رحمه الله ( توفي في حدود 1260 هـ )

وسميت بالشيخة لاشتمالها على كثير من مفاخر قبيلة عنزة وأخلاقها الفاضلة التي عبر عنها شاعرها ..

وهذه القصيدة التي قال عنها ابن علي حاكم حائل ( وفي رواية ابن رشيد ) :

" لو كانت هذه القصيدة لشمر ما تحسفت على شيء من القصيد "

وهذه القصيدة يختلف الرواة في ترتيب أبياتها تقديما وتأخيرا الا انها ثابتة الرواية .....

مع العلم أن لقبيلة عنزة ثلاث شيخات في الشعر إحداهن قصيدة حربية للشاعر الشيخ مشعان بن هذال رحمه الله يذكر فيها عدد من المعارك والمواقع
والأخرى هي التي بين أيدينا والثالثة قصيدة مليئة بالحكم وهي للشاعر الكبير محمد بن حسين السبيعي العنزي رحمه الله ..

وهنا أترككم مع الشاعر مقحم الصقري رحمه الله :

[poem=font="Simplified Arabic,5,darkred,bold,normal" bkcolor="transparent" bkimage="backgrounds/8.gif" border="solid,4,gray" type=0 line=0 align=center use=ex num="0,black""]


يالله يالمـطـلــوب يـــاوال الاقـــدار=انــت الــذي مــدات جــودك لـطـيـفــه
البارحة بالقلب هجـس ٍ وتعبـار= هجـس ٍ وهاجـوس ٍ تعاقـب نـكـيـفــه
الصبر مفتاح الفـرج هـو والافكـار = من لاصبر تصبـح حـوالــه كـسـيـفــه
يالله يالـمـعـبــود عــاون هــل الكـــار = تــحــل شـــطاتٍ عـلـيـهـم كـلـيــفــه
اللـي مجالسهـم بهـا بـن وبهـار= ونـجــر ٍ يـصــوت لـلـمـسـيــر رجـيـفــه
ومكارم ٍ للضيـف عجـلات وكبـار =ومـفـطـحــات فــي صـحــون نـظـيــفــه
تقليطهـم للضيـف قعـدان وبـكـار= وحيل الـغـنـم وقـت السنيـن الـحـفـيـفــه
اكرام ضيـف البيـت كار للاخيار= والـكــل مـنــا يـفـتـخــر فـيــه ضـيــفــه
نكرم سبال الضيـف حــقٍ وتـعـْبــار = ليا مــن ولــد الـعـفــن شــح بـرغـيـفــه
يا مزنةٍ غــرّا مـن الـوســم مــبـدار = اللـي جـذبـنــي مــن بـعـيــدٍ رفـيــفــه
هلت مـن القبلـه هماليـل الأمطـار= مـن سـيلهـا الــوادي غـدالـه وحـيـفــه
تمطر من الهدرا اليـا خشـم سنـار= وتسقـي ديـار مـحـقـبــه والـحـتـيــفــه
وتضفي على كل المفالـي والاقطـار= وتصبح بهـا خــدان ربـعــي مـريـفــه
عقب الحيا فاحت بها ريـح الازهـار=وتعاقـب الـنــوار مــثــل الـقـطـيــفــه
وترعا بها العرا وتبنـي لهـا طـار =عقب الضعــف راحــت ردوم مـنـيـفـــه
اذوادنــا مـايـرتـعــن دمــنــة الـــدار = ولا يـرعــن الا بـالـفـيـاض النظيـفــه
يرعـن بعـبـدالـلـه وجـبــر ٍ وجــبــار =خـيــالــة يـــوم الـمــلاقــا عـنـيــفـــه
ترعـى بهم وضحا من الذود معطـار =غبوقـة الخطـار عـجــلٍ عـطـيــفـــه
اذوادنـا يرعـن بنـا سـر وجهـار =من دونـهـن نــروي الـغـلــب والـرديـفــه
ترعى بضف الغوش بقصاف الاعمار= تقطف زهر مرباعهـا مـع مصيفـه
ما هي سوالف مسرد ٍ عقب ما نـار = اللي هرب واطراف رمحـه نـظـيـفــه
إن سوهجوا عنهـا قليليـن الابصـار= من دونها نـروي السيـوف الرهـيـفــه
ان سوهجوا عنها معاميس الابصـار = حنـا نـرد اللـي يـبـيــهــا نـكـيــفـــه
خطو الولد مثـل البليهـي اليـا ثـار=زود ٍ على حمله نـقــل حـمــل ألـيـفـــه
يشدا هديب الشـام شيّـال الاقطـار= واليـا كـبــر حـمـلــه تــزاود زفـيـفـــه
وخطو الولد مثل النداوي اليـا طـار = صيده من الجزلات ماهـي ضعـيفـــه
ترجي العشا من مخلبه وقـع وطيـار= حسه على صيد الخـلا لـه وحــيـفــه
وخطو الولد يصبر على موتـة النـار= صفـر علـى عـود تضـبــه كــتـيـفـــه
وخطو الولد يامال قصـاف الاعـمــار = لانـافــع ٍ نـفســه ولا مـنـه خــيــفـــه
واليا بخصته ماسـوى ربـع دينـار = مع العـرب يشبـه خـطــاة الـهـــديـفــه
ودار ٍ به الحقـران ماهـي لنـا دار= حتيش لو صــارت خـصــاب مـريــفـــه
وحنا لك الله مـن بعيديـن الاخبـار=والنفس مـا نلحـق هواهــا حـسـيــفـــه
حلويـن للصاحـب وللخصـم قهــار = وعـدونــا لــو هــو بـعـيــد نـخــيــفـــه
حنا كما المشخص عن الصرف ما بار =بالوزن يرجـح والمصـاري خفـيفــه
وتلقـى منازلنـا رفيعـات واخـيـار = والرجل عن دوس القصايـر حـفـيــفــه
الا ومـع ذلـك لــك الـلـه لـنــا كـــار = عــن جـارنــا ماقـط نخفـي الـطـريـفــه
نرفا خمال الجار لو هـو بنـا بـار = ونضحك حجاجـه بـالـعـلــوم الـلـطـيـفــه
ولا نبدي الخافي ولو صار مـا صـار = وندمح خمال الـجـار لــو بــان حـيـفــه
نرفا خمالـه رفيـه العـش بالغـار =ونودع لـه النـفــس الـقـويــه ضـعـيـفــه
والجار له قيمـة وحشمـة ومقدار=وجاراتـنــا عــن كــل عـايــز عـفـيـفــه
ما زارهن مـن يـبـغــي الحـيــف زوار=الا ولا عـنــهــن نـــدس الـغـريــفــه
نـبـيــه لـيــا من بــدل الـــدار بــديـــار= وكــل بـجـيـرانــه يــعــد الـوصـيــفــه
أحد ٍ علـى جـاره بختـري ونــوار = و احـدٍ عـلـى جــاره صـفــاةٍ مـحـيـفــه
و لا بدها تبقى تواريـخ واذكـار = وتبقـى لـدسميـن الشـوارب وظــيـفــه
وصلاة ربي عـد ماخضـر الاشجــار =على الرسول اللـي عـلـومــه شـريـفــه[/poem]

وسلامة الجميع