سلسال سحرك

الســــــــــــــلام عليكم ورحمة الله وبركاتـــــــــــــــه


مســــاكم ورد 00 ياعضاء وزوار المرقااااااب

من بين الاوراق القديمه.. سحبت هذه الورقه

اتمنى ان تقبلوها بمافيها من هفوات

واتمنى ان تنال بعضا من اعجابكم وسامحوووني على القصوووور




[poet font="Simplified Arabic,4,darkblue,normal,normal" bkcolor="white" bkimage="" border="double,3,darkblue" type=0 line=200% align=right use=ex length=0 char="" num="0,black" filter=""]
ياسارق قلبي على القلب بشويش =لاتنزعه تخلف منازل ظلوعـــــه
غير المدارا ياهوى الـبال مابيــش =داره ترى نفس الهواوي جزوعــه
ارفق بقلــب سكـــنك بالنشــــانيش =ولاتطري الـــفـــرقا تراها تروعه
وانا السجين اللي تحت ظلمك يعيش =يرجي الامل بكره تنور شموعه
اصون حبك وانت تقسى علــــي ليش؟ =اجود لاجلك وانت نفسك منوعه
وتبي تعرف القلب حبك علىويش ؟=وعلام نفسي منك ماهي قنوعه؟
لوقلت مهما قلت فالحب حتى ايش =ماقدر اوصف كيف شكله ونوعه
مايكفي ان عروق قلبي معاطـــيش؟ =مايكفي ان الموق هلت دموعه؟
مايكفي ان العمر ضايع مــطاريــش؟=لين ان سبته صار يشبه ربوعه
وفرقا ثمان اسنين فيها مباليــــش =وسلسال سحرك مبهمات رموعـه
وايست من راع الثـــمان المباهيش =إلى متى وانا اتحرى رجوعــــــه؟
صادفتها والدمع منها رشـــــاريش =تبدي اسفها عن زمان القطوعه
قلت ارحميني يالرموش المعاكيش =لاتجرحين القلب وانتي خدوعــــه
الجرح مايحتــــاج يابنت تنقـــــــيش =لو تطري الذكرى تخالف سـنوعه
تكــفين يابـنت الرجال المـــداغيش =رويت من كاس الفراق ونقوعـه
قد ذقت غدر منقضات العـــكاريـش =اللي هواهن ضاع باول اسبوعـه
روحي وانا باروح من غير تشــويش =يكفي ضميري هم وقت يلوعه
قلبي بسجنك ناشه الهــم تنويش =ماعاد ابي حب تقــــافــا نجــــوعـه
والصدق بغيابك غدالي جواهــيش = ومن شوفتك قلبي تناما زروعـه
لو تسرقين القلب مابيه بشــويش =خوذيه بعروقه وقضيّ ظـــلوعـه

(( سيف السيف))
[/poet]

وســـلامتكم 000

واسمحووا لي على القصووور مع القصيده

ومعكم لاعدمتكم

للجميع كل الود