دولة قطر

هذه القصيدة قدمتها في الامسية التي اقيمت لي في دولة قطر بمناسبة اليوم الوطني

[poem=font="Simplified Arabic,6,black,normal,normal" bkcolor="transparent" bkimage="backgrounds/44.gif" border="groove,7,darkblue" type=2 line=0 align=center use=ex num="0,black""] لبيك ثم لبيك ثم لبيك يادولة قطر=أي والله ألبي وأجيب من البيوت جدادها
في عيدها الثالث بعد عيد الضحيه والفطر=حضرت أشارك فى احتفالات الفرح وأعيادها
ومن شانها جات القوافي مثل همال المطر=تهادفت وانا كفيل بصفها وإعدادها
وانا ادري اني لوكتبت ابها ثمان امية شطر=ماوفيتها ماتستحق ولاحصرت امجادها
أسس قواعدها زعيمٍ مايهاب من الخطر=الشيخ جاسم وحد الدوله وضد اضدادها
جاسم عمى عين الحريب الشرس لاطاش وبطر=تشهد له الاتراك يوم انه هزم قوادها
رحل من الدنيا وذكره باقيٍ فيها عطر=وفعله تسولف به مطانيخ العرب لاولادها
والصف من عهده ليا هاليوم واحد مانشطر=والفضل لشيوخٍ مناهجها دروب اجدادها
(عبدالله) و (علي) ثم (احمد) نفذوا سطر سطر=ماخطط . وكمّل (خليفه) مابنوا روادها
واليوم قايدها حمد رمز الشهامه والسطر=نهض بها شيخ الشيوخ وللتطور قادها
يعيش شيخٍ ماوقف دون الحواجز والاطر=شبحه على القمه وبالفكر الحكيم ارتادها
بالله ياجمهور من فيكم على باله خطر؟=في يوم. كاس العالم أهنيا يجي ميعادها
يأمير بفعولك فطرت كبود عدوانك فطر=وان جت تطيب انجزت مشروعٍ جديد وزادها
انت الكريم اللي توجه لك قصيدي وانقطر=عساك تقبلها بعد يمك نويت اسنادها
وختامها لبيك ثم لبيك يادولة قطر=وتحيةٍ تنشر على شيخانها وافرادها
مع تحيات اخوكم=ضاوي العصيمي
[/poem]