معاد يوجد لذةٍ فالسباحه!!!

اخواني وخواتي في منتديات المرقاب الادبية

هذه مصافحة اولى امل ان تحوز ولو على جزء بسيط من رضاكم0000


[poem=font="Simplified Arabic,6,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
ياللي تناديني وانـا عنـك مشغـول=معـاد يوجـد لـذةٍ فالسبـاحـه
اليوم صار الوضع ناشل ومنشـول=ولاعاد لي في موجة الشعر راحـه
ليه الغلط عند اكثر النـاس مقبـول؟=وليش المتمتـم يدعـي بالفصاحـه
معقول؟؟هذا صار ذا الوقت معقول؟؟=حزام فخر الشعر ضاعت اشباحه؟؟
اي والله اقوله وانـا منـه مذهـول=الشعر صارت ساحته غـث ساحـه
تغيـر الابـداع لدفـوف وطبـول=ولاعـاد يوجـد للعذوبـه مساحـه
واصبح جزيل الشعر بالغث مشلـول=ولاذعـذع الابـداع يمـه ارياحـه
متى حقوق الشعر تحفظ على طول؟؟=ويبعـد هماجـه ويتبقـا قـراحـه
وعن كل مستشعر يسوا لـه قفـول=ويبرا ضمير اعلامنا مـن جراحـه
ياعلام صار الحمل مثنـي ومدبـول=لاتعشقـون المهـزلـه والوقـاحـه
ضميركم بالواسطه صـار مغلـول=وامانـة الاعـلام تبغـا الصراحـه
[/poem]