خضاب الخونداة..!

قصيدة الشاعر ذعار بن ربيعان (المحرول) المشهوره (رحمه الله)

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لا ضاق صدري من هموم تـولاه=وزاد العماس وقام صدري يفوحي
انا بلاي اللي على الـرب مشكـاه=اللي محرولني وانا ازريت اروحي
يامعذربيـن التتـن لـولاه لـولاه=لولا شرابه يا عرب وين اروحـي
والله يالولا العظم يوم انـي امـلاه=واكويه بالجمر ويكوي جروحـي
مع دله صفرا على النـار مركـاه=ابصر بصبتها على كيف روحـي
فنجالها يشدي خضـاب الخونـداه=الجادل الي عند اهلهـا طموحـي
لا طق طقة محة البيـض بخبـاه=لا قام هاجوس الضماير يجوحـي
يامكيف الفنجال خصص هل الجـاه=راعي الجمايل قبل قـن قموحـي
صبه لمن هـو تنثـر الـدم يمنـاه=يثني جواده عند راعـي اللدوحـي
والثانـي الـي ماتونـي مطايـاه=يضوي اليا صكت عليه النبوحـي
وعده لمن عوص النجايب تنصـاه=ريف لهن لاجا الزمان الشحوحـي
دب الدهر يضحك حجاجه لمن جاه=وقت المعاسـر مـارد مايزوحـي
وباقي الرجال فحول نسوان ورعاه=ضباط مال وحافظيـن السروحـي
وراع الردى ماحدٍ اليا مات ينعـاه=لا صار محروم جبـان شحوحـي
[/poem]

والشكر موصول للأخ / عمر عبد الرحمن الذي وافانا القصيده كامله من اصحابها