لاتساوم في الكرامه....

رخصت وباعتك رخص التراب ومن رخص ينباع
ومن سوا سواتك وشعلى من قال له (ذقها)

ألى ..من طاع نفسه لين تالي ضيعته وضاع
تراك اللي كذب كذبه على حاله وصدقها

أمنت, ونمت, والديره ذيابه,لا كلاب جياع

لياما غمضت لك عين ماقالت بك (احلقها)

يقولون الرجال الرجل من لايقبل المهزاع
ومن دنق رقبته للوطى يبطي مدنقها

واذا مالك مع اهل السوق حاجه فالفجاج وساع
ومن غرب قدم رجله وضاقتبه , يشرقها

ومدام الطيب ضايع والمدى زيف, وردا,وخداع
وش ابرك من غثى بعض الدروب اللا مفارقها

لياصرت الكبيربعين ربعك خل شبرك باع
ولوضاقت بك اعيون الصغير وقام يبحقها

تواضع والسباع الى انثتيت الها تجيك سباع
وفرخ البوم بومه لو حرار اللي يصادقها

ومدام ان التطبع يوم مايغلب على الاطباع
ترا الجهال من تنطق بمنطق غير منطقها

نصيحه لاتساوم فالكرامه ثم تشم القاع
ليامن هنت نفسك لاتلوم اللا طرايقها

ولاتنثر حيا وجهك ولاتلبس حياك اقناع
ولاتشكي مجاهيم الهموم لغير خالقها

ولاتامن طرف سلمى ولاتشري رضا من باع
ولاتتبع بعض زيف المشاعر او تصدقها

ترا ماعاد به قلبٍ يحس بلوعة الملتاع
ولاباقي لصاملت الوعود اللا مسوقها

تعبنا نتصف بالحلم وانهكنا الجروح اوجاع
وملتنا الحراوي والوعود اللي نسابقها

لقينا وش لقينا؟كذبةً برقا ,وحلمٍ ضاع
وسالفتن تعدت ماامطرت لو رن بارقها

تقول انك رخصت ومن رخص ياصاحبي ينباع
ليا سوا سواتك وشعلى من قاله (ذقها)

ابوغاده