هـــذا ســـؤالي

[poem=font="Simplified Arabic,6,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياللي قضيتي ماضي العمر ترحال=أن جابتك دنياك هذا سؤالي
قلبك لعب له بالغلا قلب رجال=والا على ذكراي عاش الليالي
في ذمتك ماجيت مره على البال=ولاعانقت دمعة شقاك أرتحالي
ولا لج في صدرك من الضيق يجتال=لحن السنين الماضيات الخوالي
ألله من ليلً سريتيه لازال=ذكراه دايم ماتفارق خيالي
رحتي وأنا وقت حداني على الجال=ودفعت فاتورة هوانا لحالي
حاولت أغير واقعي مثل الأبطال=وأنسى وأدور للعوض بالتوالي
مير أنصدمت بواقعاً بهذل الحال=ونفسن من الفرقاء يجيها جفالي
والحب ملعون الجدف كل ماطال=عمره ثبت بين الضلوع النحالي
لين أندفن فيني من الهم سلال=وصارت همومي بالزمن راس مالي
ماغير أغنيها بالاقفى والأقبال=(لاخاب ظنك بالحبيب الموالي)
أجلس وكوسر لك مع الهم موال=أما على المسحوب والا هلالي
ترى لو أنك كنت نشمي ورجال=عادي تبي تنساك بنت الرجالي[/poem]