.. ودي ... ودي ..!!

.
.
.

ودي

بقيت بعالم الحب

وياه

لاشك

ماجااااني على الكيف

ودي

راحت بي سنيني وقفت
مطاياه

مدري عناد الوقت

والا



والا تحدي ....!!
.
.
.

[poem=font="Simplified Arabic,6,black,bold,normal" bkcolor="transparent" bkimage="backgrounds/18.gif" border="ridge,5,orange" type=2 line=0 align=center use=ex num="0,black"]
ودي بقيت بعالم الحب وياه=لاشك ما جاني على الكيف ودي
راحت بي سنيني وقفـّت مطاياه = مدري عناد الوقت والا تحدي !!
ماعاد باقي غير تالي بقاياه = اللي توصلني من الشوق .. حدي
أهيم لامن المساء جاب طرياه = واسج ّ بفجوج الصحاري وامدي
ذكرى وشبت في خفوقي من اقصاه= قامت معه في بعض الاحوال ضدي
أثر الغلا فيني مسوي سواياه = والحال عقبه من عناه امتردي
درب ٍ مشيته ماتمنيت ممشاه = صار الهوى مع جاير الحظ ( ندي )
وين الحبيب اللي له الروح تفداه = طالبك انا ياسود الايام ردي
نزف المشاعر مالها غير شرواه = وعليه بلّت دمعت العين ( خدي )
صبرت وادري ما تحمّـلت فرقاه = وبيـّـحت من زود العناء فيه سدي
بين الضلوع القلب صوّت وناداه = وشلون يقاوم جزر الاشواق مدي
تعبت من دنيا المتاهات والآه = ليت الفرح لحظات يمي يلدي
حتى المساري لو تمنت تمناه= ذيك الليالي ما عليها تعدي
فوق الخيال اللي على البال عشناه = ملكت قلبه وامتلك كل ودي
لو كان غيره يمكن انا نسيناه = لكن بعض الناس ماله مسدي
لولا الامل في دنيتي حي لولاه = ما كنت اجامل في ظروفي واعدي
عودت نفسي اكتم الجرح وارضاه = ولا زادت جروح الزمن قمت اهدي
تبقى الحياه بدون شوفه معاناه = ويومه معي ماحد ٍ من الكون قدي
سبحان رب ٍ صوّره كيف سواه = لحد الجنون الزين مـنـّـه يودي
متى على الله التقي فيه والقاه = وارتاح من طول التعب والتحدي [/poem]

شعر / محمد العسكر
واعذب الود لقلوبكم
النابضه بالحب