درب الوهم !!

[poem=font="simplified arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]


ياحسرة الضميان لاشارف على العدَ السراب = من داعي اللهفة على درب الوهم جاك يعدي
ويادمعة الطفل اليتيم اللي شكا عظم المصاب= اعزل ومجروحٍ يكابد قوَ باس المعتدي
ويا ضيقة الرجَال لا صكَت بوجهه كل باب = من وين ما يمم يسابقه الهلاك الاجلدي
ويا خشية النَادم ليا راجع ذنوبه يوم تاب = يخاف تارد به على حدَ العذاب السرمدي
ويا غربة المومن ليا شاف الهوى ودى وجاب !!= العالم اللي حوله وبالذات من به يقتدي
ما عاد باقي من حياة الآدمي غير الذهاب= اليوم ولا مع طلوع الشمس في صبح الغدي
رحلة وداع ٍ لا انتهت مابعدها رحلة إياب= مابعدها الا الحشر في يومٍ عظيم المشهدي
يا مدَعي بالعلم رشَ الشَيب جنحان الغراب = مدري من الشوكة طلع؟! ولا من الورد الندي ؟!
احسب حسابك قبل لا تبلش ليا حلَ الحساب = ما ينفعك لا ضعت عشَاق القوام الاجردي !!
قلته وانا مونس على قلبي مثل شلفا ذياب = حسبي على الآوهام والآحزان والحظ الردي !!
ما اشدَ من حزن اليمامة غير حزنك ياعقاب !!= ولا اهون من ابيوت العناكب : غير مسلول البدي
ولا خف من وزن الذباب الا جناحك يالذباب = ولا اثقل من اجبال الحجاز الا هموم الاجودي
والواحد اللي ما يعرف ايدك هامات الصعاب = يطير مثل الريش لا هب النهار الاسودي!!
غافل ليا من قيل له ويل العصاه امن العقاب=طنَش و لاهمَه ومن تحته بساطٍ احمدي
اقولها والعمر يجري والحسوفة فاالشباب = إليا انطوى من دون لا ااكسب طيب من مدت يدي
هذي مشاعر صادقة عدَت على متن السحاب = تبقى سما فوق السحاب .. وتجلس اوزان الجدي
والله يزينها ويحفظنا ويكفينا العذاب = مافيه غيره واحدٍ يعز عبده ويهدي
[/poem]

هزاع الشيباني