(( نــوم الــعــوافــي ))

بسم الله الرحمن الرحيم ...

السلام عليكم ورحمة الله وبركاته , صبحكم الله بالخير ...

أخواني / أخواتي ...

أتمنى أن تنال هذي البسيطه أعجابكم وأستحسانكم ...

والله ولي التوفيق ...

صلوا على النبي ...

أقول :



[poem=font="Simplified Arabic,6,darkblue,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black""]
نوم العوافي يا حياتي ودنياي=ويا نوري بسود الليال العجافي
ويا ترجمة هجسي وشعري ومعناي=ويا فلسفة فكري وبحري وقافي
أنا بدونك ضايع(ـن) سير مجراي=وتايه مع أسباب التغلي وغافي
الحب عكس الكره يا تايه الراي=والوصل طعمه غير طعم التجافي
وعدتني وأخلفت وعدك , ورجواي؟=أنك وعدت , وعادة الحر يافي
سريت ضايق والله أعلم بمسراي=ما بين نكران الزمن وأعترافي
ما ضيقت صدري همومي وشكواي=وما وسعت صدري وساع الفيافي
عندي ثقه بالنفس وأميّز خطاي=ولا قلت للدنيا من الضيم كافي
واللي جرحني وزاد همي وبلواي=اللي تردى عقب ما كان وافي
ما دمت عارف ربعي وعارف عداي=بآخذ مع الأيام شوط(ـن) إضافي
عسى اتحقق بالزمن غاية مناي=وأحلامي اللي صغته(ـن) بالقوافي
هذا شعوري ونزف حبري ونجواي=ترجمتهم ما بين وزني وقافي
ولا أنت ياللي رحت وأعلنت فرقاي=جاك الجواب برد وافي وشافي
ما دمت نمت بوسط قلبي وبحماي=لا تشيل هم الليل ... نوم العوافي
لو كان كل إنسان مثلي وشرواي=ما شفت بين الناس قاطع وجافي[/poem]

وسلامتكم ...

شعر : فهد عوض الفهيدان ...