...... أوراق .. / أو .. راق ..!

.

السلام عليكم ورحمة الله وبركاته ..

أسعد الله أوقاتكم بالمسرّات ..

مصافحتي الثانيه ..

( كشف حساب ) إعتبروها هكذا ..




[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
البنوك اللي ودايعها نوادر = ماجهل فـِ دروبها غير الطفارى
والبيوت اللي كما ضرب الخناجر = ماعرف مقدارها غير السهارى
كل ماقامت على راسي تناحر = دندنت قدام هاجوسي تبارى
وابتديت البيت الاول .. / ثم الاخر = لين اعرضها على شوف الحيارى
جيدها الالماس والمعصم بناجر = جاهره بالزين للعالم جهارى
ماتقول الا هنوفٍ جت تفاخر = تفتخر بأصل الحلاوه ماتدارى
خشف ريم في حلاها ماتجاكر = كل بنت عن وصايفها توارى
مالها غيري هوى والعشق نادر = محتويها عن علومٍ ماتطارى
الله اكبر من عويناتٍ تناظر = تسرق النظره لها ليل ونهارى
والله اني ماحسبت إلها مخاسر = مزعلٍ لرضاتها كل العذارى
قد أتتني كابراً عن ظهر كابر = واكتست مني شموخاً مع وقارا[/poem]



,



[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
صاحبي مادام ماللطيب تالي=ماذخرته عن بعيد وعن موالي
لو يعذرب بي ضعيف النفس دايم=ما ألتفتّ وعزتي هي راس مالي
النقيه قدرها من فوق راسي=والرديه قدرها تحت النعالي
وإن بدا لي لازمٍ سديت غيري=وان بدت لي ضايعه نزّهت حالي
راكد لحد البروده والتبلد=وواثق لحد التغطرس والتعالي
صاحبي مادام في نفسي قناعه=ماعليّه كان وقتي ماصفالي
ماكرهت من الخيال الا التمني=وماعشقت من الامل غير المحالي
صاحبي وان كانها بالهرج والله=عمر كثر الهرج ماجاب المعالي
ودامها بالشعر ماللشعر حيله=ثابت الميقاف والشعر ارتجالي
انقش الدره على صلف الصفاوي=وابدع القيفان من شيٍ بدالي
لا بدا الهاجوس يشّر للقريحه=انقده نقد الجواهر والريالي
اتجنب عن هزيل الشعر كله=واتطرق للنوادر والجزالي
واتفاخر في قصيدي واتغنّى=واتمثل بالفرايد مازهالي
شاعرٍ مايكتب الجزله يريّح=علموه ان كبْر زوره لا يلالي
والفعايل ماضيٍ وقت الفعايل=افتخر في فعل عم وفعل خالي
بإختصار السالفه عنكم وعني=القبيله والفعل والاسم عالي[/poem]




,



[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
بعض العقول ! الله يشفي اهلها=فيها مرض مزمن وفيها تكيّس
ما ماليٍ تجويفها إلا جهلها=لان الجهل فيها تعشعش وخيّس
نوعيّةٍ ماهتم لو من زعلها=لو كان تعطيني كلامِ مليّس
اول امانيها وأغلى املها=ثقافتين : الطربقه , والتتيّس
ياشيخ .. لو باقي خرابيط قلها=خربط ومثلي بحالتينه يقيّس
اما يدق الروس - يمسح جهلها=والا .... احترم حااالك وخلك كويّس[/poem]



,




[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
سمحت ياخاطر من إغناي قافك=وصديت عن شعري وبدعه وحرفه
لوّك جبل محدٍ من الناس شافك=ولوّك بحر محدٍ بجايٍ يغرفه
ياكثر ما اغني شطر ثم اعافك=ودي إنك اعبر من طواريق طرفه[/poem]

.