( رسوم الفرح ) ارشيفيه

السلام عليكم ورحمة الله وبركاته






لتواصل اخواني ,,,







[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
رسوم الفرح تقتل حزن دمعـة الأحـداق=لو الدمع من كثْر الشقـى غـارق ٍ موقـه
يضيع الشعور اللي كما نسمـة الإشـراق=سوات اليتيم اللـي فقـد مُجّمـل حقوقـه
عليك الله أكبـر يازمـانٍ مهـو ينطـاق=ياكيف الرجل ماعـاد يـدرك لمنطوقـه
تموت الجزيله والهزيلـه علـى الآفـاق=معا قولة اللي كل ( واحد علـى ذوقـه )
هل العيب فالأشخاص أو إن الوعي ما فاق=أم إن الجزاله أصبحـت شبـه محروقـه
قصايد بها قمّـه مـن الـذوق والأخـلاق=وقصايد عن الأخـلاق والـذوق مفهوقـه
وإذا الشعر له نُخبة جماهير يـا عشّـاق=ف أنا الشاعر اللي مـا تهنّـى بمعشوقـه
أكافح وأنا أعذب قصيدي مـن الأعمـاق=أجمّل وصوف القـاف ويزيـن طاروقـه
على طاري اللي لا ذكرّته ولـه وأشـواق=يرطّب جفـاف القلـب ويبلـل عروقـه
سقاني من الحرمان ليل وأسـى وفـراق=وسقيته غلا صـادق بأحاسيـس موثوقـه
عقب غيبته عايش بضيق وغثا وإرهـاق=كأن السعـاده طيـر قـد قطّـع سبوقـه [/poem]