يابو سعد ((مصافحه اولى ))

((السلام عليكم ورحمة الله وبركاته))
مصافحه اولى ارجو ان ترتقي لذائقتكم ..

[poem=font="Traditional Arabic,6,royalblue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
يابو سعد ياصاحبي جعل يفداك = الشيخ والتاجر وأمير القبيله
لاصار مايفعل مثل فعل يمناك = خراجه من الطيب ماله حصيله
الطيب يبرى لك وتعبته خطاك = سبحان من خلّى المكارم فضيله
اسمع يابن علوش علم تنصاك = علم ترى غيرك تعذر يشيله
وأنا ادري اني للثقيلات أبلقاك = ما والله أورد عليك الهزيله
وش حيلة اللي كل مامسيت عناك = طاريه .. وجروحه بقلبي تخيله
اتوق له وأحن له بس ياذاك = مادري وش اللي مبعده عن خليله
قد قلت له بروح قال أتحراك = وانا على وعده ولا ابغى بديله
عذره معه ياخوك لاكن ليا جاك = قل له ترى منديل كفه بخيله
يشح في قلبه ومن بعد فرقاك = بينه وبين الموت حاجه قليله[/poem]

وسلامتكم ,,,