( في رجاء خير )

شاعر الملك .. ونص ولاء ومحبه لـ هذى القائد العظيم لا اكثر


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
في رجاء خير ياخير الرجاء وانت اخير = من عرفنا عرب هذى الزمن والعجم

كل ماجيت ابكتب فيك حرف استخير = لين حتى استخار الحبر وسط القلم

جيت اسميك عدل وجيت اسميك خير = وشفت فيك الصفات النادره تتسم

كيف اسميك وانت اسمك بربك كبير = جل من صورك بعيون الاعداء همم

انت كلك ملاحم وانت بعضك كثير = وانت فيك العشم وانت العشم بك عشم

وانت حي المشاعر وانت حي الضمير = وانت من صدق قولك كن قبله قسم

وانت متن الضعيف ونور عين الضرير = وانت من يخلق لشعبه ترف من عدم

وانت من غيرك اللي زبن المستجير = يوم ضاق انسمه وسع عليه النسم

وانت خطوتك ميل وميلك اطول مسير = وانت من وصل الغايات روس القمم

وانت شر" على روس العداء مستطير = وانت لا شافاك الحر القطامي خدم

فيك حلم الكبير وفيك عطف الصغير = ولك في كل بقعة خير موطأ قدم

وكن مالك على جزل العطايا خشير = من عطاياك جاراك العطاء ثم فحم

يامورد حبال الماء على كل بير = لين منك ارتوينا طيب ذات وكرم

ابن حاكم واخو حاكم وحاكم وامير = ومن تواضعك علمت الرجال الشيم

دامك انته بخير الشعب كله بخير = جعل فيك الشفاء اللي مايعقبه سقم



[/poem]