(( بليز كول ))

جديد للتواصل

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]

ياموظف الهاتف الجوال / عطني حلول=مافيه خدمه تخص العالم المزعجه ؟

اكثرهم يدق من باب الفضا والفضول=وانا ما احب الفضوليّه ولا البهرجه

لكن بعض العرب لو يرسل / بليز كول=دقيت رقمه ولو في ساعةٍ محرجه

اواصل الطيّب الشغموم حسب الأصول=على النقا ، والأخوّه مآهي مدبلجه

وان قلتلي شاعر كليب المخضرم يقول :=( حاول تواضع لخلق الله وعطهم وجه )

قلت : التواضع صحيح انه سبب للقبول=( واللي يتواضع يعلّيه الإله ادرجه )

بس التواضع ماينفع مع رديّ الفعول=اللي ليا من سمع هرج الخبول اهرجه

امعوّدٍ نفسه القشرا تصول وتجول=دايم لسانه على نقل الحكي مسرْجه

تواضعك للوضيع اكبر سبب للنزول=باب التواضع عن امثال الوضيع ازلجه

الوقت هذا يسبّب للعقول الذهول=ضاعت سلوم العرب واختلّت الأمزجه

لكن عسى الله يثبّتنا نهار المثول=اقولها واليدين لطلبته تتجه

والختم صلى الله وسلم على آخر رسول=نحفظ حديثه ونتبع هديه ومنهجه[/poem]