(سـيـف الـطـعـون)

السلام عليكم ورحمة الله وبركاتة

عسى ان ترتقي الى اذواقكم الراقيه
...

...

[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
الليل موحش وعين الحزن مفضوحه=ادموعها ما سترها جفنها الضامي
لافرّعت سترها ثم قامت اتشوحه=سترتها عن عيون الناس بكمامي
كم بسمةٍ من دموع العين مذبوحه!=وكم فرحةٍ في مهدها ماتت امامي!
مدري وش اللي بقا ما قصرت اشبوحه=بالهون بالهون ياعجلت الاولامي
الخاطر وضيقته والقلب وجروحه=حصادها سنين عمري واجمل احلامي
مادك ساس الامل وتداعت صروحه=الا بياسٍ بناء صرحه على احطامي
ليت العشم حاجةٍ بالدرب مطروحه=ما حفيت اجفاني ولا حفيت اقدامي
ولولى المعاناه:حرفي مانسمع نوحه=ولاصار همي وحزني مصدر الهامي
بيبان الابيات لتاويل مفتوحه=علقت في قافها شلفاي وحزامي
ولو صدر بيت القصيده عجزه يبوحه=شابت قوافيه قبل يصور الامي
مالمت حزني والا جفني والا فوحه=ومالمت سيف الطعون وبندق الرامي
لمت النوايا وقلبٍ من طهر روحه=يشوف كل النوايا قدرها سامي
ناديت ناديت والشرهات مبحوحه=وربطت بحبال صوتي عدة اسامي
يازلت اصحابي : ابلا عذر مدموحه=سترتش ابـ/عفوي ان عروش قدامي
وياطعنت احبابي : من الذنب مبيوحه=انتي حقيقة علاقه جرحها دامي
ويا مقفيات السنين الغبر: مسموحه=عسى الرجاء مايخيب ابـ/مقبل ايامي
سيلت الاقلام والاسباب مشروحه=ومن يوم سالت عيوني جفت اقلامي
[/poem]