بعد الحديده عن الشام

اقبلوها الله انه يقبلكم واعذروني على طول الغياب


[poem=font="simplified arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
البارحه بيحت كل الخفايا = الي قبل عامين والي من العام
والله وسوة بي هجوسي سوايا=كن البعض منها على البعض حكام
تزاحمة مثل ازدحام السرايا= اردها وتقول قدام قدام
والضيقه الي سد عوج الحنايا= احكامها بين المؤبد والاعدام
احرص عليها من جميع النحايا=حرص الخبير اليا نزل حقل اللاغام
من التعب لشمس فيني كوايا=عن الترف بعد الحديده عن الشام
ماني مقدم دم وجهي هدايا=غير العّمام الاصل ماعندي اعمام
اصبر كما صبر الجمال الضمايا=اللي تروح حيام وتعود حيام
من ماعطاني الله قسمت العطايا=بيني وبين اللي من الوقت منظام
قسوة سنيني تستحق التحايا=منها عرفت اش لون تحيق الاحلام
عرفت كيف احل صعب القضايا=وكيف الكريم يعبد البخل الاصنام
لو هو من الحاجه جنوبه عرايا=ذرب اليمين وللكرم تاج ووسام
واللي لدنياهم سوات المطايا=من الطمع ماهمهم غير الارقام
تلقى المخابي بالدراهم ملايا=واطفالهم في دورهم مثل الايتام
اللي منول في ركون الزوايا=اليوم غرتهم كثيرات الوهام
على الاشده يكثرون الروايا=وهروجهم ماتخدم الصالح العام
الله يعرضهم سهوم المنايا=تطاولو في تالي الوقت الاقزام
ماهم بشوق المترفات الصبايا=والبخل ماهو من تعاليم الاسلام
يغنيني الله عن ضعاف النوايا=الرازق اللي في دجاء الليل مانام
يالله عساني من كرام السجايا=وانك تساعدني على جور الايام
في واجبي ماني مدور وصايا=اقوم لون اقشر الحظ ماقام
وش ياخذون من الحياة البرايا=اغناهم اللي تستره قطعة الخام[/poem]