كبار المكاسيب..!!

كيبورديه طرت وجرت..

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
مافيه أحد مرتاح فالوقت ياذيب=ولاّ القناعه تاج عز وسلامه!
أرضى بمقسومك و وفّ المواجيب=وأنا بحكم الله رضيت وتمامه
الله يجنبنا عن الدون والعيب=والله يجنبنا طريق الملامه
ماني على الدنيا سريع المهاذيب=تسدّني وقفة وفاء وابتسامه
من صاحبٍ ضاري على ماقف الطيب=أزرى يغيّره الزمان ونظامه
ولاّ مخاوا طيّبين المجاذيب=أهل العقول الراجحه والفهامه
إن جيتهم تلقاء جميل التراحيب=ما خيّمة من فرعهم بالرخامه
تكفيك عن كيف الدلال المرابيب=وتكفيك عن جنب البعير وسنامه
هذي تراها من كبار المكاسيب=بعد الكرم والدين والاستقامه
ولاّ ترى الدنياء عطاها مشاهيب=يا ولّعت فالثوب ولاّ العمامه!
ولاّ تحطّك بين ناب ومخاليب=عشّاقها تمسي بريع الندامه
ماكل من وايق بروس المراقيب=عزمه شديد ولا تكسّر عظامه!
ولاحدٍ بسالم من سهوم المكتايب=لو يملك الثنتين مال وزعامه!
وأختامها يالله ياعالم الغيب=أغفر ذنوب العبد وأقبل صيامه[/poem]

وتقبل الله منا ومنكم الصيام وسلامتكمـ