خربتها وأعميتها ..

.

السلام عليكم ورحمة الله وبركاته ..

مبارك عليكم الشهر وكل عام وانتم بخير ..
والله يقبل صيامكم وقيامكم ..


متواضعه للتواصل ..

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
البارحه وانـا علـى حـدّ السحابـه يالنجـوم=ماباقيِ ديمـة وسـم فـوق السمـا ماجيتهـا
امرها طرقي على حسـب العوايـد والسلـوم=وانـا الحقيقـه نـاويٍ نيـه لكـن خبّيتـهـا
ياذيب ياذيب الخلا ياللي علـى روس الرجـوم=عودتني بعواك بـس البارحـه مـا اوحيتهـا
يسوقني دافع غلاك من الرياض إليـا الجمـوم=ولاجيت في بحره وضلعـان الحـرم عدّيتهـا
ألين تاقف طرقتي بالساحـل الغربـي عمـوم=ولا راكـدٍ بالـي سـوى لا لحيتـك حبّيتـهـا
بيني وبينـك خـوةٍ ومزارقـة طيـب وعلـوم=اكبر من هروج الرخوم اللـي تجـر بشيتهـا
ياصاحبي مالحقنْي شـكٍ ورى شـرواك يـوم=نبقى على عهد الرجال اللي ينومـس صيتهـا
مـاوالله يغـث الكبـود الا دنافيـس الرخـوم=وانا أصغر همومي على هذي الفئه ما اصخيتهـا
ياهيه ياللي ماتطـول العـز ريّـح ومخـدوم=كل من بحث خافـي علومـك كلهـا خرّيتهـا !!
اما بخوة تطلق الوجـه الكريـم اللـي يشـوم=والا بلاش من الصداقه اللـي ضعيـفٍ ليتهـا
البارحـه ماباقـيٍ رحلـة ذهـاب ولاقــدوم=الا وعنيـت القـدم فـي دربهـا وسجّيتـهـا
يالله انا العبد الضعيف اللي على كسـره يقـوم=لاجيـت اكحـل نظرتـي خربتهـا واعميتهـا
ذا حولي السادس وصدري ناحته لفح السمـوم=مابـاقـي الا ونــةٍ وحــده ولا ونيتـهـا
ياوجد حالي كـل مامريـت ماعنـدي لـزوم=وانـا عيونـي تسبـر الشبـاك ماغضّيتـهـا
على هنوف جيتها محشوم واقفيـت إمحشـوم=الا بلحظـة شـوق مـره واحـده ضمّيتـهـا
ام العيون العاكشه والـردف لا ضـف الهـدوم=لا إستعجلت في مشيها !!! الله يخـرب بيتهـا
اخذتها .. طـرقٍ على هـاك الشوارب والخشوم=وعسفتها على يدي مثـل الفـرس وأرخيتهـا
ربيتها والصـدق مابـه شـي بالدنيـا يـدوم=على الوصـل ومواصلـي اخطيـت ماربّيتهـا
أقفت وليلتها مطر والبرق من وسط الغيـوم :=علـى شعاعـه شفتهـا تقفـي ولا ناديتهـا
الله يسامحهـا علـى مافـات مـاودي ألـوم=والله يسامحنـي بـعـد يالـيـت ماحبّيتـهـا
مدري وش اعذاري ليا مامريت ماعندي لزوم=ماعاد باقي لـي عـذر مـن كثـر مامرّيتهـا [/poem]

.